પો. કોન્સ્ટેબલે યુવતીને વેપારી સાથે અંગત પળ માણવા કહ્યું, રૂમમાં દરોડા પાડી જબરો હનીટ્રેપમાં ફસાવ્યો

આણંદઃ અમદાવાદના વેપારીને લૂંટવા માટે પોલીસ કોન્સ્ટેબલે જબરો પ્લાન બનાવ્યો હતો. આ દરમિયાન તેને હની ટ્રેપમાં ફસાવી રૂપિયાની માગણી પણ કરવામાં આવી હતી. આ કિસ્સો ત્યારે શરૂ થયો જ્યારે વેપારી એક કામથી ભાલેજ પહોંચ્યો હતો. અમદાવાદમાં તેના કેફે જોરશોરથી ધમધમી રહ્યા છે એની જાણ આણંદ હેડ ક્વાર્ટરમાં ફરજ બજાવતા એક પોલીસ કોન્સ્ટેબલને થઈ ગઈ હતી. તેવામાં મીડિયા રિપોર્ટ્સ પ્રમાણે આ કોન્સ્ટેબલે વેપારીનો તોડ કરવા માટે હનીટ્રેપનું ષડયંત્ર રચ્યું અને તેને જબરો ફસાવી દીધો હતો.

પોલીસ કોન્સ્ટેબલે રચ્યું ષડયંત્ર
નોંધનીય છે કે પોલીસ કોન્સ્ટેબલે ત્યારપછી અમદાવાદના એ કેફે ચેઈન ચલાવતા વેપારીની વિગતો મેળવી લીધી હતી. તે સમયે પોતાની એક મહિલા મિત્રને આમાં સંડોવી ને તેને આ યુવક સાથે અંગત પળો માણવા જણાવ્યું હતું. પહેલા તો તેમણે પ્લાનિંગ કર્યું કે આ વેપારીને હવે જબરો ફસાવી દઈશું. તેવામાં સૌથી પહેલા તો આ યુવતીએ ફોન કોલ કર્યો અને વેપારી સાથે મીઠી મીઠી વાતો કરવાનું શરૂ કર્યું હતું.

ફોન પર વાતોમાં મજા નથી આવતી
યુવતીએ ત્યારપછી સામેથી વેપારીને કહ્યું કે ફોન પર વાતોમાં મજા નથી આવતી. તમે એક વાર રૂબરુ મળવા આવો આપણે કોફી પીવા સાથે જઈશું. આ સમયે બંનેએ નક્કી કર્યું અને કોફી પીવા માટે મળ્યા હતા. ત્યાં જોતજોતમાં તેમણે એક રૂમ બૂક કરાવ્યો અને ત્યાં જઈને ન કરવાનું કરવા લાગ્યા હતા. આ સમયે બંને વચ્ચે અંગત પળો ચાલી રહી હતી કે તરત જ આ પોલીસ કોન્સ્ટેબલે તકનો લાભ ઉઠાવી લીધો.

કોન્સ્ટેબલે દરવાજો તોડીને અંદર આવ્યો ને કહ્યું કે આ બધુ શું કરી રહ્યા છો તમે રૂમમાં. તેની સાથે અન્ય 2 લોકો પણ હતા. જોકે આ સમયે વેપારી ગભારઈ ગયો અને માફી માગવા લાગ્યો હતો. જોકે આ સમયે પોલીસ કોન્સ્ટેબલે કહ્યું કે હવે તમને ખોટા કેસમાં અંદર ફસાવી દઈશું અને બળજબરી પૂર્વક મહિલા સાથે આમ કરતો હતો તેમ કરી કેસ દાખલ કરીશ.