નવગુજરાત સમય > અમદાવાદ
– ઉના દલિત અત્યાચારનો મુદ્દો હજુ ઠંડો પડ્યો નથી અને ભાજપનાં દલિત આગેવાનોને તેનો અનુભવ થઇ રહ્યો છે. મહેમદાવાદમાં યોજાયેલા પ્રશિક્ષણ વર્ગમાં પ્રસિદ્ધિ માટે ઉત્સાહી દલિત નેતાઓએ પોતાના ફોટા સોશિયલ મીડિયા ઉપર મૂકતા જ ટીકા ટીપ્પણીઓનો વરસાદ થયો હતો. ઉના દલિત અત્યાચારનો મુદ્દો રાષ્ટ્રીય સ્તરે ચકચાર જગાવી ચૂકયો છે, ત્યારે ઉપરથી આવેલી સૂચના મુજબ ભાજપનાં દલિત આગેવાનોને સમાજ વચ્ચે જઇ મામલો ઠારવાની જવાબદારી સોંપવામાં આવી છે. ઉનાકાંડમાં રાજ્ય સરકારે દોષિતો સામે ત્વરિત કાર્યવાહી કરી છે તેવું દલિત સમાજનાં લોકોને સમજાવતાં આંખે પાણી આવી જાય છે અને લોકોનાં જાતજાતનાં કટુવચન સાંભળવા પડે છે તેવી વ્યથા દલિત આગેવાનો ઠાલવી રહ્યાં છે. કેટલાંક દલિત આગેવાનોએ તો પાર્ટીની સૂચના છતાં સમાજ વચ્ચે જવાની તસ્દી જ લીધી નથી. તેનું કારણ આપતાં આગેવાનો કહી રહ્યાં છે કે, હાલમાં સમાજનાં લોકોમાં જે રીતે ગુસ્સો વ્યાપેલો છે તે જોતાં કોઇને સમજાવવા જઇએ તો ટપલીદાવ થવાની પૂરેપૂરી શકયતા હતી. અમુક આગેવાનોએ ડહાપણ દાખવીને સમય વર્તે સાવધાનની જેમ અમે તો પહેલાં દલિત સમાજ જોડે જ છીએ તેવું કહી દીધું હતું. દરમિયાનમાં ભાજપ દ્વારા આગામી વિધાનસભા ચૂંટણીની પૂર્વતૈયારીનાં ભાગરૂપે પ્રશિક્ષણ શિબિર શરૂ કરવામાં આવી છે. તેમાં મહેમદાવાદ ખાતે યોજાયેલી શિબિરમાં ભાગ લેવાં ગયેલાં ઉત્સાહી દલિત આગેવાનો-કાર્યકરોએ પોતાનાં ફોટા સોશિયલ મીડિયા ઉપર મુકી પ્રસિદ્ધિ મેળવવાનો પ્રયાસ કર્યો તો તેમને જાતજાતની ટીકાઓનો સામનો કરવાની ફરજ પડી છે. સૂત્રોનાં જણાવ્યા અનુસાર, કોંગ્રેસમાંથી ભાજપમાં જોડાયેલાં દલિત આગેવાનોની તો હાલત સાવ ખસ્તા થઇ ગઇ છે. એક મહિલા કાર્યકર સાથેનો ફોટો વાયરલ થતા સમાજનાં જાગૃત નાગરિકોએ તેમની સામે આક્ષેપાત્મક ટીપ્પણો કરી હતી. નરેશ રોહિત નામનાં યુવાને તો ફેસબૂક ઉપરનો ફોટો જોઇ કડક ટીપ્પણી કરી છે કે, જેટલી પાર્ટીની ચિંતા કરો છો તેટલી દલિત સમાજની ચિંતા કરો. બાબાસાહેબનાં નામે રાજકારણમાં આવી ગયાં અને પક્ષ માટે બધી જવાબદારી નિભાવો છો તો દલિત સમાજ પ્રત્યે કોઇ જવાબદારી છે ખરી ?. મહિલા કાર્યકર સાથેનો ફોટો જોઇ ડિમ્પલ નામની યુવતીએ રાજકીય કટાક્ષ કરતાં લખ્યું છે કે, વોર્ડમાં એક જ મહિલા કાર્યકર્તા છે કે પછી પક્ષપ્રમુખની વાઇફને જ લઇ જવી તેવો પાર્ટીનો આદેશ છે? આવી ટીકાટીપ્પણીનો વરસાદ શરૂ થતાં જ દલિત આગેવાને મહિલા કાર્યકર સાથેનો ફોટો ડિલીટ કરી નાખ્યો હતો.
– ઉના દલિત અત્યાચારનો મુદ્દો હજુ ઠંડો પડ્યો નથી અને ભાજપનાં દલિત આગેવાનોને તેનો અનુભવ થઇ રહ્યો છે. મહેમદાવાદમાં યોજાયેલા પ્રશિક્ષણ વર્ગમાં પ્રસિદ્ધિ માટે ઉત્સાહી દલિત નેતાઓએ પોતાના ફોટા સોશિયલ મીડિયા ઉપર મૂકતા જ ટીકા ટીપ્પણીઓનો વરસાદ થયો હતો. ઉના દલિત અત્યાચારનો મુદ્દો રાષ્ટ્રીય સ્તરે ચકચાર જગાવી ચૂકયો છે, ત્યારે ઉપરથી આવેલી સૂચના મુજબ ભાજપનાં દલિત આગેવાનોને સમાજ વચ્ચે જઇ મામલો ઠારવાની જવાબદારી સોંપવામાં આવી છે. ઉનાકાંડમાં રાજ્ય સરકારે દોષિતો સામે ત્વરિત કાર્યવાહી કરી છે તેવું દલિત સમાજનાં લોકોને સમજાવતાં આંખે પાણી આવી જાય છે અને લોકોનાં જાતજાતનાં કટુવચન સાંભળવા પડે છે તેવી વ્યથા દલિત આગેવાનો ઠાલવી રહ્યાં છે. કેટલાંક દલિત આગેવાનોએ તો પાર્ટીની સૂચના છતાં સમાજ વચ્ચે જવાની તસ્દી જ લીધી નથી. તેનું કારણ આપતાં આગેવાનો કહી રહ્યાં છે કે, હાલમાં સમાજનાં લોકોમાં જે રીતે ગુસ્સો વ્યાપેલો છે તે જોતાં કોઇને સમજાવવા જઇએ તો ટપલીદાવ થવાની પૂરેપૂરી શકયતા હતી. અમુક આગેવાનોએ ડહાપણ દાખવીને સમય વર્તે સાવધાનની જેમ અમે તો પહેલાં દલિત સમાજ જોડે જ છીએ તેવું કહી દીધું હતું. દરમિયાનમાં ભાજપ દ્વારા આગામી વિધાનસભા ચૂંટણીની પૂર્વતૈયારીનાં ભાગરૂપે પ્રશિક્ષણ શિબિર શરૂ કરવામાં આવી છે. તેમાં મહેમદાવાદ ખાતે યોજાયેલી શિબિરમાં ભાગ લેવાં ગયેલાં ઉત્સાહી દલિત આગેવાનો-કાર્યકરોએ પોતાનાં ફોટા સોશિયલ મીડિયા ઉપર મુકી પ્રસિદ્ધિ મેળવવાનો પ્રયાસ કર્યો તો તેમને જાતજાતની ટીકાઓનો સામનો કરવાની ફરજ પડી છે. સૂત્રોનાં જણાવ્યા અનુસાર, કોંગ્રેસમાંથી ભાજપમાં જોડાયેલાં દલિત આગેવાનોની તો હાલત સાવ ખસ્તા થઇ ગઇ છે. એક મહિલા કાર્યકર સાથેનો ફોટો વાયરલ થતા સમાજનાં જાગૃત નાગરિકોએ તેમની સામે આક્ષેપાત્મક ટીપ્પણો કરી હતી. નરેશ રોહિત નામનાં યુવાને તો ફેસબૂક ઉપરનો ફોટો જોઇ કડક ટીપ્પણી કરી છે કે, જેટલી પાર્ટીની ચિંતા કરો છો તેટલી દલિત સમાજની ચિંતા કરો. બાબાસાહેબનાં નામે રાજકારણમાં આવી ગયાં અને પક્ષ માટે બધી જવાબદારી નિભાવો છો તો દલિત સમાજ પ્રત્યે કોઇ જવાબદારી છે ખરી ?. મહિલા કાર્યકર સાથેનો ફોટો જોઇ ડિમ્પલ નામની યુવતીએ રાજકીય કટાક્ષ કરતાં લખ્યું છે કે, વોર્ડમાં એક જ મહિલા કાર્યકર્તા છે કે પછી પક્ષપ્રમુખની વાઇફને જ લઇ જવી તેવો પાર્ટીનો આદેશ છે? આવી ટીકાટીપ્પણીનો વરસાદ શરૂ થતાં જ દલિત આગેવાને મહિલા કાર્યકર સાથેનો ફોટો ડિલીટ કરી નાખ્યો હતો.