અમદાવાદ: કહેવાય છે કે દૂધનો દાઝેલો છાશ પણ ફૂંકી ફૂંકીને પીવે. જોકે, આ કહેવત કદાચ પ્રેમમાં આંધળા બનેલા લોકોને લાગુ નથી પડતી. એક વગદાર રાજકારણી સાથે પણ કંઈક એવું થયું છે, જેઓ સોશિયલ મીડિયા પર એક 'મહિલા' મિત્રની જાળમાં એવા તો ફસાયા કે પેલી એકવાર તો ચૂનો લગાવી જ ગઈ, પરંતુ આ ઘટનાથી કંઈ બોધપાઠ ના લીધો હોય તેમ આ નેતા ફરી હનીટ્રેપનો શિકાર બનતા આખરે સાયબર ક્રાઈમમાં પહોંચ્યા હતા. સૂત્રોનું માનીએ તો, પહેલીવાર ઈજ્જત જશે તેવા ડરે આ નેતાએ પોતાને હનીટ્રેપમાં ફસાવનારા લોકોને 5 લાખ જેટલી રકમ ચૂકવી હતી. પરંતુ તેઓ એક જ મહિનાના ગાળામાં બીજીવાર ફસાતા પોલીસની મદદ માગવા પહોંચ્યા હતા. (પ્રતિકાત્મક તસવીર)
આ નેતા સત્તાપક્ષમાં મહત્વનો હોદ્દો તો ધરાવે જ છે, સાથે તેઓ કાયદાના પણ જાણકાર છે. જોકે, જે રીતે તેઓ હનીટ્રેપમાં બબ્બેવાર ફસાયા તેને જોતા તો લાગી રહ્યું છે કે તેમનું કાયદાનું જ્ઞાન તેમને પોતાને જ કશાય કામમાં નથી લાગ્યું. સૂત્રોનું માનીએ તો, એક મહિના પહેલા સોશિયલ મીડિયા પર સંપર્કમાં આવેલી એક મહિલા સાથે આ નેતા મોડી રાત સુધી વાતો કરતા હતા. જોકે, એક રાતે તેમની મહિલા મિત્રએ તેમની પરવાનગી લઈને વિડીયો કોલ કર્યો. જેમાં મહિલા નિર્વસ્ત્ર હાલતમાં હતી. આ વિડીયો કૉલ સેકન્ડોમાં જ કપાઈ ગયો હતો, અને થોડી જ વારમાં તેનું રેકોર્ડિંગ નેતાને મોકલી દેવાયું હતું.
મહિલા મિત્રનો વિડીયો કૉલ કરી ફસાયા
વિડીયો કૉલના રેકોર્ડિંગમાં નેતા નિર્વસ્ત્ર હાલતમાં રહેલી મહિલા સાથે સ્પષ્ટ દેખાઈ રહ્યા હતા. વિડીયો મોકલનારાએ તેમને ધમકી આપી કે જો તેમણે 5 લાખ રુપિયા ના ચૂકવ્યા તો આ વિડીયોને વાયરલ કરી તેમની આબરું ધૂળધાણી કરી દેવામાં આવશે. પોતાની રાજકીય કારકિર્દી આ વિડીયોને કારણે બરબાદ ના થઈ જાય તે માટે ડરેલા રાજકારણીએ 5 લાખ રુપિયા એક બેંક અકાઉન્ટમાં ટ્રાન્સફર કરી દીધા હતા.
સાંત્વના આપનારો ફરી ટોપી પહેરાવી ગયો
આ ઘટનાના થોડા દિવસ બાદ આ નેતાની સોશિયલ મીડિયા પર એક અજાણ્યા વ્યક્તિ સાથે દોસ્તી થઈ હતી. જેણે નેતાને એવી વાત કરી હતી કે તેમના ફ્રેન્ડલિસ્ટમાં રહેલી એક મહિલાએ તેને હનીટ્રેપમાં ફસાવ્યો હતો. ધીરે-ધીરે વાતો કરીને આ વ્યક્તિએ નેતાનો વિશ્વાસ સંપાદિત કર્યો હતો. ત્યારબાદ તેણે નેતાની ઓળખાણ એક મહિલા સાથે કરાવી હતી. એકવાર હનીટ્રેપમાં ફસાયેલા નેતાએ આ મહિલાને પોતાની સાથે જે ઘટના બની તે વિશે વાત કરી હતી. મહિલાએ તેમને સાંત્વના આપી હતી, જેનાથી નેતાની આ મહિલા સાથે નિકટતા વધવા લાગી હતી.
ફરી 5 લાખની ડિમાન્ડ કરાઈ
નેતાનો વિશ્વાસ જીત્યા બાદ આ મહિલાએ તેમને વિડીયો કોલ માટે રાજી કર્યા હતા. જોકે, નેતા નહોતા જાણતા કે તેમની સાથે ફરી એ જ થવા જઈ રહ્યું છે જેનો તેઓ અગાઉ શિકાર બની ચૂક્યા છે. મહિલાની હમદર્દી પ્રાપ્ત કરવા નેતાએ વિડીયો કૉલ માટે હા પાડી તેના થોડા જ સમયમાં તેમના ફોન પર વિડીયો કૉલ આવ્યો હતો. જોકે, તેમાં પણ તેમની 'મહિલા મિત્ર' નિર્વ્સ્ત્ર હાલતમાં હતી. આ વિડીયો કૉલ પણ કેટલીક સેકન્ડો માટે જ ચાલ્યો હતો, અને અગાઉ થયું હતું તેમ ફરી નેતાને તેના રેકોર્ડિંગની ક્લિપ મોકલીને 5 લાખની ડિમાન્ડ કરવામાં આવી હતી.
આખરે પોલીસની મદદ માગવી પડી
એક મહિનાના ગાળામાં જ બીજીવાર હનીટ્રેપનો શિકાર બનેલા નેતાએ આ વખતે પૈસા નથી આપવા તેવું નક્કી કરી ગૃહ વિભાગમાં પોતાના ઓળખીતા અધિકારીને આ અંગે વાત કરી હતી. સૂત્રોનું માનીએ તો, ગૃહ વિભાગે એક પોલીસ અધિકારીને આ બાબતની તપાસ સોંપી હતી. જેમાં એવું બહાર આવ્યું હતું કે અમદાવાદના આ નેતા રાજસ્થાનના અલવર સ્થિત એક ગેંગનો શિકાર બન્યા છે.
Read latest Ahmedabad News, undefined
આ નેતા સત્તાપક્ષમાં મહત્વનો હોદ્દો તો ધરાવે જ છે, સાથે તેઓ કાયદાના પણ જાણકાર છે. જોકે, જે રીતે તેઓ હનીટ્રેપમાં બબ્બેવાર ફસાયા તેને જોતા તો લાગી રહ્યું છે કે તેમનું કાયદાનું જ્ઞાન તેમને પોતાને જ કશાય કામમાં નથી લાગ્યું. સૂત્રોનું માનીએ તો, એક મહિના પહેલા સોશિયલ મીડિયા પર સંપર્કમાં આવેલી એક મહિલા સાથે આ નેતા મોડી રાત સુધી વાતો કરતા હતા. જોકે, એક રાતે તેમની મહિલા મિત્રએ તેમની પરવાનગી લઈને વિડીયો કોલ કર્યો. જેમાં મહિલા નિર્વસ્ત્ર હાલતમાં હતી. આ વિડીયો કૉલ સેકન્ડોમાં જ કપાઈ ગયો હતો, અને થોડી જ વારમાં તેનું રેકોર્ડિંગ નેતાને મોકલી દેવાયું હતું.
મહિલા મિત્રનો વિડીયો કૉલ કરી ફસાયા
વિડીયો કૉલના રેકોર્ડિંગમાં નેતા નિર્વસ્ત્ર હાલતમાં રહેલી મહિલા સાથે સ્પષ્ટ દેખાઈ રહ્યા હતા. વિડીયો મોકલનારાએ તેમને ધમકી આપી કે જો તેમણે 5 લાખ રુપિયા ના ચૂકવ્યા તો આ વિડીયોને વાયરલ કરી તેમની આબરું ધૂળધાણી કરી દેવામાં આવશે. પોતાની રાજકીય કારકિર્દી આ વિડીયોને કારણે બરબાદ ના થઈ જાય તે માટે ડરેલા રાજકારણીએ 5 લાખ રુપિયા એક બેંક અકાઉન્ટમાં ટ્રાન્સફર કરી દીધા હતા.
સાંત્વના આપનારો ફરી ટોપી પહેરાવી ગયો
આ ઘટનાના થોડા દિવસ બાદ આ નેતાની સોશિયલ મીડિયા પર એક અજાણ્યા વ્યક્તિ સાથે દોસ્તી થઈ હતી. જેણે નેતાને એવી વાત કરી હતી કે તેમના ફ્રેન્ડલિસ્ટમાં રહેલી એક મહિલાએ તેને હનીટ્રેપમાં ફસાવ્યો હતો. ધીરે-ધીરે વાતો કરીને આ વ્યક્તિએ નેતાનો વિશ્વાસ સંપાદિત કર્યો હતો. ત્યારબાદ તેણે નેતાની ઓળખાણ એક મહિલા સાથે કરાવી હતી. એકવાર હનીટ્રેપમાં ફસાયેલા નેતાએ આ મહિલાને પોતાની સાથે જે ઘટના બની તે વિશે વાત કરી હતી. મહિલાએ તેમને સાંત્વના આપી હતી, જેનાથી નેતાની આ મહિલા સાથે નિકટતા વધવા લાગી હતી.
ફરી 5 લાખની ડિમાન્ડ કરાઈ
નેતાનો વિશ્વાસ જીત્યા બાદ આ મહિલાએ તેમને વિડીયો કોલ માટે રાજી કર્યા હતા. જોકે, નેતા નહોતા જાણતા કે તેમની સાથે ફરી એ જ થવા જઈ રહ્યું છે જેનો તેઓ અગાઉ શિકાર બની ચૂક્યા છે. મહિલાની હમદર્દી પ્રાપ્ત કરવા નેતાએ વિડીયો કૉલ માટે હા પાડી તેના થોડા જ સમયમાં તેમના ફોન પર વિડીયો કૉલ આવ્યો હતો. જોકે, તેમાં પણ તેમની 'મહિલા મિત્ર' નિર્વ્સ્ત્ર હાલતમાં હતી. આ વિડીયો કૉલ પણ કેટલીક સેકન્ડો માટે જ ચાલ્યો હતો, અને અગાઉ થયું હતું તેમ ફરી નેતાને તેના રેકોર્ડિંગની ક્લિપ મોકલીને 5 લાખની ડિમાન્ડ કરવામાં આવી હતી.
આખરે પોલીસની મદદ માગવી પડી
એક મહિનાના ગાળામાં જ બીજીવાર હનીટ્રેપનો શિકાર બનેલા નેતાએ આ વખતે પૈસા નથી આપવા તેવું નક્કી કરી ગૃહ વિભાગમાં પોતાના ઓળખીતા અધિકારીને આ અંગે વાત કરી હતી. સૂત્રોનું માનીએ તો, ગૃહ વિભાગે એક પોલીસ અધિકારીને આ બાબતની તપાસ સોંપી હતી. જેમાં એવું બહાર આવ્યું હતું કે અમદાવાદના આ નેતા રાજસ્થાનના અલવર સ્થિત એક ગેંગનો શિકાર બન્યા છે.
Read latest Ahmedabad News, undefined