દિવાળી બગાડશે વરસાદ, આગામી 5 દિવસ રાજ્યના આ વિસ્તારોમાં પડવાની આગાહી

રાજ્યમાં આ વર્ષે ચોમાસુ ખૂબ સારું રહ્યું છે. ચોમાસાની શરુઆતમાં વરસાદ ખેચાયા બાદ પાછળથી સમગ્ર રાજ્યમાં ધમધોકાર વરસાદ પડતા નદી-નાળા, તળાવ અને ડેમ ભરાઈ ગયા છે. હાલ હવામાન વિભાગ મુજબ સત્તાવાર રીતે ચોમાસુ વિદાઈ લઈ ચૂક્યું છે. જોકે તેમ છતા રાજ્યના કેટલાક વિસ્તારોમાં આગામી 5 દિવસમાં છુટોછવાયો વરસાદ પડશે તેવી શક્યતા ભારતીય હવામાન વિભાગની ગુજરાત કચેરીએ દર્શાવી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: છેલ્લા કેટલાક દિવસથી ગુજરાતમાં બેવડી ઋતુનો અનુભવ પણ થઈ રહ્યો છે. પોરબંદરમાં અરબી સમુદ્રમાં લો પ્રેશરના પગલે પોરબંદરનો દરિયો તોફાની બનશે અને આગામી સમયમાં સૌરાષ્ટ્ર અને દક્ષિણ ગુજરાતમાં વરસાદી ઝાપટાં પડી શકે છે તેમ હવામાન ખાતાએ જણાવ્યું છે. અરબી સમુદ્રમાં અપરએર સાયક્લોનિક સરક્યુલેશનની અસર વર્તાઈ રહી છે. જેના કારણે આગામી 20થી 23મી ઓક્ટોબર સુધી દક્ષિણ ગુજરાત અને સૌરાષ્ટ્રના કેટલાક ભોગામાં માવઠાની શક્યતાઓ સેવાઈ રહી છે. અરબી સમુદ્રમાં સક્રિય થનાર વરસાદી સિસ્ટમથી ગુજરાતના કેટલાક ભાગોમાં છુટા છવાયા ઝાપટા પડી શકે છે. રાજ્ય હવામાન ખાતા દ્વારા કરાયેલી આગાહી પ્રમાણે, તા.19 અને 20મીએ દક્ષિણ ગુજરાતના સુરત, તાપી, ડાંગ, વલસાડ, નવસારી અને દમણ, દાદરા નગર હવેલીમાં ગાજવીજ સાથે 30થી 40 કિલોમીટરની પ્રતિ કલાકે પવન ફૂંકાઈ શકે છે. આ વિસ્તારમાં બે દિવસ દરમિયાન વાવાઝોડાની આગાહી કરવામાં આવી છે. અત્રે ઉલ્લેખનીય છે કે, રાજ્યના વિવિધ શહેરોમાં મોડી રાત્રે ઠંડની અસર વર્તાવા લાગી છે. શુક્રવારે અમદાવાદ શહેરમાં મહત્તમ તાપમાન34.8 ડિગ્રી નોધાયું હતું. જ્યારે લઘુત્તમ તાપમાન 22.9 ડિગ્રી નોંધાયું હતું.