અમદાવાદમાં વાતાવરણ પલ્ટાયું: ધૂળની ડમરીઓ વચ્ચે કેટલાક વિસ્તારોમાં વરસાદ

અમદાવાદ: દક્ષિણ ગુજરાત અને સૌરાષ્ટ્રમાં ભારેથી અતિભારે વરસાદની આગાહી વચ્ચે અમદાવાદમાં આજે વાતાવરણ બદલાયું છે. બપોરે ત્રણેક વાગ્યે શહેરમાં અચાનક જ ધૂળની ડમરીઓ ઉડવાની શરુ થઈ હતી, અને કેટલાક વિસ્તારોમાં વરસાદ પણ પડ્યો છે. અમદાવાદમાં વરસાદે કેટલાક દિવસોથી વિરામ લેતા ઉકળાટ વધ્યો છે, ત્યારે વાતાવરણ બદલાતા બફારાથી થોડી રાહત મળી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોહવામાન ખાતાની આગાહી પ્રમાણે અમદાવાદમાં 26 તારીખ સુધી વાદળછાયા વાતાવરણ વચ્ચે હળવો વરસાદ થવાની શક્યતા છે. આગામી ત્રણ દિવસોમાં દક્ષિણ ગુજરાત અને સૌરાષ્ટ્રમાં ભારે વરસાદની આગાહી છે, પરંતુ અમદાવાદમાં માત્ર હળવો વરસાદ થવાની જ સંભાવના છે. શનિ-રવિ પણ શહેરમાં વરસાદી માહોલ રહે તેવી શક્યતા છે.ગુજરાતમાં આ વખતે સારો એવો વરસાદ થતાં સીઝનનો કુલ વરસાદ 100 ટકાને ક્યારનોય પાર થઈ ગયો છે. ચોમાસુ તેના આખરી તબક્કામાં હોવા છતાં રાજ્યમાં હજુય ભારેથી અતિભારે વરસાદની આગાહી છે. આ વખતે સારો વરસાદ પડતાં મોટાભાગના જળાશયો પણ ભરાઈ ગયા છે, અને રાજ્યની જીવાદોરી સમાન નર્મદા ડેમ પણ તેની પૂર્ણ કક્ષાએ ભરાઈ ચૂક્યો છે.