અમદાવાદમાં વરસાદ વિરામ લેશે, સૌરાષ્ટ્ર-ઉત્તર ગુજરાતમાં ચાલુ રહેશે

અમદાવાદઃ રાજસ્થાન પર બનેલા અપર એર સર્ક્યુલેશની અસર ઘટવાની સાથે રાજ્યમાં વરસાદનું જોર ઘટી રહ્યું છે, જોકે અમરેલી, ભાવનગર, બનાસકાંઠા અને કચ્છમાં આજે પણ ભારે વરસાદની સંભાવના હવામાન વિભાગ દ્વારા વ્યક્ત કરવામાં આવી છે. આ સિવાય રાજ્યભરમાં છૂટો છવાયો વરસાદ આજે થઈ શકે છે. અમદાવાદમાં આજે અને આવતીકાલે સામાન્ય વરસાદ થયા પછી વાતાવરણ વાદળછાયું રહેવાની સંભાવના છે. જોકે, રવિવારે ગાજવીજ સાથે વરસાદ થવાની સંભાવનાઓ પણ વ્યક્ત કરાઈ છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ગુજરાતમાં દક્ષિણ, મધ્યમાં બે દિવસ બાદ વરસાદ વિરામ લેશે જોકે, સૌરાષ્ટ્ર અને ઉત્તર ગુજરાતમાં આગામી 5 દિવસ સુધી વરસાદ રહેવાની આગાહી હવામાન વિભાગ દ્વારા વ્યક્ત કરાઈ છે. જેમાં ઉત્તર ગુજરાતમાં કેટલાક વિસ્તારોમાં ભારે વરસાદ થવાની સંભાવના વ્યક્ત કરાઈ છે. બનાસકાંઠામાં આજે ભારે વરસાદ થઈ શકે છે. એક અલગ પ્રકારના માટીના ગણેશ, જેમાંથી છોડ પણ ઉગશેઆગામી 5 દિવસ દરમિયાન બનાસકાંઠા, પાટણ, મહેસાણા, સાબરકાંઠા અને ગાંધીનગરમાં સામાન્ય વરસાદ થવાની સંભાવના વ્યક્ત કરાઈ છે. જ્યારે અમદાવાદ, આણંદ, વડોદરા, પંચમહાલ, દાહોદ, મહિસાગર અને દક્ષિણ ગુજરાતના ભરુચ, સુરત, ડાંગ, વલસાડ, નર્મદા તાપીમાં બે દિવસ બાદ વરસાદ વિરામ લઈ શકે છે. જ્યારે દમણ, નવસારીમાં વરસાદ ચાલુ રહેવાની શક્યતાઓ સેવાઈ રહી છે.જ્યારે સૌરાષ્ટ્રના સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દેવભૂમિ દ્વારકા, ગીર સોમનાથ, બોટાદ, કચ્છ, દીવમાં આગામી 5 દિવસ સુધી છૂટો છવાયો વરસાદ થવાની હવામાન વિભાગની આગાહી છે.