અમદાવાદ: કન્ઝ્યુમર કોર્ટ દ્વારા રાજ્યના ટ્રાન્સપોર્ટ કમિશનર અને અમદાવાદના રિજનલ ટ્રાંસપોર્ટ ઓફિસરને થલતેજના યુવકને ટ્રાંસપોર્ટ ઓફિસ દ્વારા એક જ ભૂલ બે વખત કરવાને કારણે રુ. 7,500 રુ. ચુકવવાનો આદેશ આપ્યો છે. કેસની માહિતી અનુસાર, પ્રિતેશ બારેવાડિયાએ સપ્ટેમ્બર 2015માં 500 CCનું બાઈક ખરીદ્યું હતું. તેને ટેમ્પરરી રેજીસ્ટ્રેશન નંબર ફાળવી દેવામાં આવ્યો હતો. પરંતુ જ્યારે તેણે કાયમી રજિસ્ટ્રેશન મેળવવા માટે અપ્લાય કર્યુ ત્યારે તેને અપાયેલ RC બૂકમાં તેની બાઈક 350 CC હોવાનું લખાયેલું આવ્યું હતું.
ફરીવાર એક જ જેવી ભૂલ
જ્યારે બારેવડિયાએ RTO RC બૂકમાં આ ભૂલ સુધરાવવા માટે અરજી કરી ત્યારે તેની પાસેથી ચાર્જ પેટે 200 રુ. વસુલવામાં આવ્યા હતા. તેને RTO તરફથી કરેક્શન સર્ટિફિકેટ અને નવી RC બૂક આપી દેવાઈ. પરંતુ બીજી RC બૂકમાં પણ આ જ ભૂલ હતી. જ્યારે તેણે કરેક્શન માટે અરજી કરી તો ફરીવાર તેની પાસેથી ચાર્જ પેટે રુ. 200 વસૂલવામાં આવ્યા હતા.
કન્ઝ્યુમર કોર્ટનો આદેશ
બારેવડિયાએ આ મામલો અધિકારીઓ સમક્ષ ઉઠાવ્યા બાદ ગ્રાહક તકરાર નિવારણ ફોરમ, અમદાવાદમાં ફરિયાદ કરી અને પોતાને સહન કરવા પડેલા માનસિક સંતાપ અંગે વળતર ચૂકવવાની માંગણી કરી. બચાવપક્ષે દલીલ કરી કે વધુ પડતા કામના ભારણને કારણે ક્લર્ક્સ દ્વારા આ ભૂલ થઈ ગઈ હશે. પરંતુ કન્ઝ્યુમર કોર્ટ દ્વારા ઓફિસરની આ દલીલ સ્વીકારાઈ નહીં અને કોર્ટે કહ્યું કે, ‘આવી ભૂલ એકવાર થાય એક જ કેસમાં બે વખત નહીં. સરકારી કર્મચારી પર કામનું ભારણ હોય તેમ છતાં કામની ચોક્કસતા અંગે કોઈ જ બાંધછોડ કરી શકાય નહી. જેથી નાગરીકોને મુશ્કેલીઓનો સામનો કરવો પડે. બારેવડિયા પાસેથી ઓફિસ સ્ટાફની ભૂલને કારણે બે વખત ચાર્જ વસુલવામાં આવ્યો હતો અને કરેક્શન પ્રોસેસમાં 2 વર્ષ જેટલો સમય વીતી ગયો. આ ભૂલ નહીં પરંતુ RTO દ્વારા દેખીતી બેદરકારીને લગતો કેસ છે.’ કોર્ટે બારેવડિયા પાસેથી વસુલાયેલા 400 રુ. ને 9 ટકા વ્યાજ સાથે ચુકવવાનો આદેશ કર્યો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.