સેટેલાઈટમાં રહેતા રિયલટરે વ્યાજખોરોના ત્રાસથી કંટાળીને કર્યો આપઘાતનો પ્રયાસ

અમદાવાદઃ સેટેલાઈટ વિસ્તારમાં રહેતા એક રિયલટરે કથિત રીતે 50 ઉંઘની ગોળીઓ ખાઈને આત્મહત્યાનો પ્રયાસ કર્યો હતો. આઠ ખાનગી સાહુકારો દ્વારા હેરાનગતિના કારણે આ આત્મહત્યાનો પ્રયાસ કર્યો હતો. રિયલટર નરેશ મફતલાલે ગયા વર્ષે 23 ડિસેમ્બરના રોજ પણ પાલડીની એક હોટલમાં આત્મહત્યા કરવાનો પ્રયાસ કર્યો હતો. પરંતુ તેઓ બચી ગયા હતા અને જાન્યુઆરીની શરુઆતમાં એસવીપી હોસ્પિટલમાં સ્વસ્થ્ય થયા બાદ ઘરે પરત ફર્યા હતા. આઠ સાહુકારો વિરુદ્ધ ફરિયાદ
નરેશ મફતલાલે કરેલી ફરિયાદમાં એવા આક્ષેપ કરવામાં આવ્યા છે કે, પૈસા આપનારાઓ દ્વારા સતત તેમને હેરાન કરવાનું ચાલુ રાખ્યું હતું. સાથે જ સેટેલાઈટ વિસ્તારમાં આવેલા પ્રેરણાતીર્થ દેરાસર પાસે આવેલા રત્નાકર એવન્યૂમાં તેમના ઘરે જઈને તેમની સાથે દુર્વ્યવહાર કર્યો હતો અને ધમકીઓ આપી હતી. તેઓએ આનંદનગ પોલીસ સ્ટેશનમાં નોંધાવેલી ફરિયાદમાં આઠ સાહુકારો વિરુદ્ધ ફરિયાદ નોંધાવી છે.
ગુજરાતમાં ઠંડીનું મોજું ફરી વળ્યું, 9 શહેરોમાં તાપમાન 10 ડિગ્રી કરતા પણ ઓછું નોંધાયું
આટલી રકમ વ્યાજે લીધી હતી
જેમાં સંગમ પટેલ, અર્પિત શાહ, અસપાલ શાહ, દિગપાલ શાહ, અશોક ઠક્કકર, ચેતન શાહ, પંકજ પારેખ અને લક્ષ્મણ વેકરિયાનો સમાવેશ થાય છે. ફરિયાદમાં એવું કહેવામાં આવ્યું છે કે, એપ્રિલ 2020થી ડિસેમ્બર 2021 દરમિયાન તેઓએ સંગમ પાસેથી 13.64 કરોડ રુપિયા, અર્પિત પાસેથી રુપિયા 18 લાાખ, અસપાલ અને દિગપાલ પાસેથી રુપિયા 7.98 કરોડ, ચેતન પાસેથી રુપિયા 8.08 કરોડ, પંકજ પાસેથી રુપિયા 4.74 કરોડ અને લક્ષ્મણ પાસેથી રુપિયા 75 કરોડ વ્યાજે લીધા હતા.
શુ જોશીમઠની જેમ ધસી રહ્યું છે અમદાવાદ? મોટાપાયે ભૂગર્ભ જળ ખેંચાવાથી સંકટના ભણકારા
ચેકબુક અને પાસપોર્ટ લઈ લીધા
ફરિયાદ મુજબ, પ્રાથમિક સોદો એવો હતો કે ચૂકવણી માસિક 1.5 ટકાના વ્યાજ દરે થવી જોઈએ. પરંતુ થોડા મહિનાઓમાં આઠેય લોકોએ ચૂકવણીમાં વિલંબ માટે 10 ટકા વ્યાજ અને 1 ટકો દંડ લગાવવાની માગ કરી હતી. જૂન 2022 પાછી તેઓ કોઈને પણ ચૂકવણી કરી શક્યા નહીં. એપછી આઠમાંથી દરેકે તેમને કાગળ અને વચન પત્રની કોરી શીટ્સ પર સહી કરાવી કે કહેવાયુ કે તેમના પર કરોડોનું દેવું છે. તો સંગમે 24 કરોડ રુપિયા, અસપાલ અને દિગપાલે 20 કરોડ રુપિયા, પ્રીતે રુપિયા 12 કરોડ, ચેતને રુપિયા 30 કરોડ અને પંકજે રુપિયા 42 કરોડ માગ્યા હતા. કેટલાંક આરોપીઓએ તેમનો પાસપોર્ટ પણ જપ્ત કરી લીધો હતો. બળજબરી પૂર્વક તેમની ચેકબુક પણ લઈ લીધી હતી. ત્યારે આનંદનગર પોલીસે આઠેય આરોપીઓ વિરુદ્ધ ગુનો નોંધીને તપાસ હાથ ધરી છે.
Latest Ahmedabad News And Gujarat News