ગૂગલ પરથી નંબર લઈને ફોન કરવાની આદત હોય તો સતર્ક રહેવાની જરુર

અમદાવાદઃ સામાન્ય રીતે આજની ભાગદોડવાળી લાઈફમાં ઈન્ટરનેટ એક જરુરિયાત બની ગયું છે. કારણ કે ઈન્ટરનેટના ઉપયોગથી લગભગ તમામ પ્રકારની વિગતો મેળવી શકાય છે. આવામાં કોઈ જગ્યા પર અટવાઈ પડ્યા હોય ત્યારે પણ ઈન્ટરનેટરનો ઉપયોગ ફાયદાકારણ સાબિત થાય છે. પરંતુ ગુજરાત પોલીસ ગૂગલ પરથી ફોન નંબર શોધીને તાત્કાલિક સંપર્ક કરતા લોકોને ચેતવી રહી છે. જો તમને પણ આવી આદત હોય તો સતર્ક થવાની જરુરી છે. જો આ દરમિયાન કોઈ ભૂલ થઈ તો તમારું બેંકનું અકાઉન્ટ સાફ થઈ શકે છે.

કોઈ જગ્યાએ પહોંચવા માટે કે કોઈ બાબતની માહિતી મેળવવા માટે ગૂગલ પર ફોન નંબર સર્ચ કરીને સંપર્ક કરવામાં આવતો હોય છે. પરંતુ આવા કેસમાં ક્યારેક છેતરપિંડીના ભોગ બનવાનો વારો આવી શકે છે, માટે જ ગુજરાત પોલીસ તમને સતર્ક રહેવાની સલાહ આપે છે. એટલે કે તેમે જ્યારે પણ કંપનીના નંબર માટે સર્ચ કરતો ત્યારે સાચા સ્પેલિંગ સાથે સર્ચ કર્યું છે કે નહીં તે બાબતનું ખાસ ધ્યાન રાખવું.


ગુજરાત પોલીસ સલાહ આપે છે કે તમે જ્યારે પણ ગૂગલ પરથી નંબર મેળવો ત્યારે તેના પર ફોન કરતા પહેલા એકવાર જરુર વિચારો. આ રીતે નંબર મેળવવાની જરુર પડતી હોય તો કંપનીના ઓફિશિયલ નંબર પર જ વાત કરવાનો આગ્રહ રાખવો જોઈએ, અને સંપર્ક માટે ઓફિશિયલ ઈ-મેઈલનો જ ઉપયોગ કરવો જોઈએ.

વધુમાં પોલીસ એ બાબતે પણ સતર્ક રહેવાની સલાહ આપે છે કે ફોન નંબર ગૂગલ પરથી સર્ચ કરીને મેળવવાના બદલે ઓફિશિયલ વેબસાઈટનો ઉપયોગ કરવો જોઈએ. કારણ કે એક ખોટો નંબર ડાયલ કરવાથી છેતરપિંડી થવાથી તમારા બેંકનું અકાઉન્ટ સાફ થઈ શકે છે. જો આ પ્રકારની છેતરપિંડીનો ભોગ બનો તો તાત્કાલિક 100 નંબર પર પોલીસનો સંપર્ક કરવાની પણ સલાહ આપવામાં આવી રહી છે.