રાજ્યભરમાં કાળઝાળ ગરમીઃ અમદાવાદમાં આજે પારો 42 ડિગ્રીને પાર પહોંચશે

I am Gujarat

અમદાવાદમાં વધશે ગરમીનો પારો

અમદાવાદઃ ગત શનિવારે રાજ્યભરનાં વાતાવરણમાં પલટો આવ્યા બાદ શહેરીજનોને થોડે અંશે ગરમીમાંથી રાહત મળી હતી, જો કે ફરી ગરમીનો પારો ઉપર જાય તેવી શક્યતા છે. છેલ્લા કેટલાક દિવસથી રાજસ્થાનમાં અપર એર સર્ક્યુલેશન સર્જાવાના કારણે મંગળવારના રોજ શહેરનું તાપમાન 41.9 ડિગ્રી સેલ્સિઅસ નોંધાયું હતું. ત્યારે હવે હવામાન વિભાગે આગાહી કરી છે આજે શહેરમાં ગરમીનો પારો 42 ડિગ્રી સેલ્સિઅસથી ઉપર પહોંચશે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કંડલા સૌથી ગરમ શહેર રહ્યું

43.1 ડિગ્રી ગરમી સાથે કંડલા મંગળવારે રાજ્યનું સૌથી ગરમ શહેર રહ્યું. જ્યારે ગાંધીનગરમાં 42.6 ડિગ્રી સેલ્સિઅસ, અમરેલીમાં 42.5 ડિગ્રી સેલ્સિઅસ, સુરેન્દ્રનગરમાં 42.3 ડિગ્રી સેલ્સિઅસ અને સુરતમાં 42 ડિગ્રી ગરમી નોંધાઈ હતી. ગરમીના કારણે લોકો પણ ત્રસ્ત થયા હતા.

42°Cથી વધારે ગરમી રહેવાની આગાહી

ભારતીય હવામાન વિભાગની વેબસાઈટના જણાવ્યા પ્રમાણે અમદાવાદનું મહત્તમ તાપમાન સામાન્ય કરતાં 0.2 ડિગ્રી વધારે હતું જ્યારે લઘુતમ તાપમાન 0.9 ડિગ્રી વધારે હતું. હાઈ રિલેટીવ હ્યુમિડિટીના કારણે લોકોને વહેલી સવારે અને સાંજે સૌથી વધારે ગરમીનો અનુભવ થયો હતો. આગામી બેથી ત્રણ દિવસ સુધી શહેરનું મહત્તમ તાપમાન 42 ડિગ્રી સેલ્સિઅસથી વધારે રહેવાની આગાહી છે.

સુરત-વલસાડમાં હીટવેવની આગાહી

હવામાન વિભાગે બનાસકાંઠા જિલ્લામાં હળવા વરસાદની જ્યારે સુરત અને વલસાડમાં હીટવેવની આગાહી આપી છે. જેના કારણે નાના બાળકો, વૃદ્ધો તેમજ બીમારી ધરાવતા લોકોએ આવી સ્થિતિમાં ખાસ સચેત રહેવું પડશે. આ શહેરોમાં આજે જ હીટવેવની નોંધાઈ શકે છે.