ગુજરાતઃ 24 કલાકમાં કોરોનાના 1334 નવા કેસ અને 17 મોત, કુલ આંકડો 114996 થયો

અમદાવાદઃ ભારતમાં કોરોનાના કેસ 48 લાખને પાર થયા છે. સ્વાસ્થ્ય મંત્રાલયના આંકડાઓ અનુસાર, આ મહામારીના કારણે અત્યાર સુધીમાં કુલ 79,722 લોકોના મોત થયા છે. મહારાષ્ટ્ર, કર્ણાટક તેમજ આંધ્રપ્રદેશમાં તો સ્થિતિ વણસતી જઈ રહી છે. જ્યારે ગુજરાતમાં 24 કલાકમાં કોરોનાના નવા 1334 કેસ નોંધાયા છે તો વધુ 17 મોત સાથે રાજ્યમાં કુલ મૃત્યુઆંક પણ 3230 એ પહોંચ્યો છે.

રિકવરી રેટ વધીને 82.84% થયો
24 કલાકમાં રાજ્યમાં કોરોનાના કુલ 71507 ટેસ્ટ કરવામાં આવ્યાં હતાં. જેથી કુલ ટેસ્ટનો આંકડો પણ 33,60,318 થયો છે. રાજ્યમાં 1334 નવા દર્દીઓ સામે 1255 દર્દીઓ સ્વસ્થ થયા છે. જેથી સ્વસ્થ દર્દીઓનો આંકડો પણ 95,265 એ પહોંચ્યો છે. રાજ્યની વસ્તીને ધ્યાનમાં લેતા દસ લાખની વસ્તી સામે પ્રતિ દિવસે 1100.10 ટેસ્ટ થાય છે.

કુલ 16501 એક્ટિવ કેસ

રાજ્યમાં કુલ એક્ટિવ કેસની સંખ્યા અને મૃત્યુઆંક

રાજ્યના જુદા જુદા જિલ્લાઓમાં આજની તારીખે કુલ 7,46,934 વ્યક્તિઓને ક્વોરન્ટીન કરવામાં આવ્યાં છે. જે પૈકી 7.47.504 વ્યક્તિઓ હોમ ક્વોરન્ટીનમાં છે અને 525 વ્યક્તિઓને ફેસિલિટી ક્વોરન્ટીનમાં રાખવામાં આવ્યાં છે. આ ઉપરાંત રાજ્યમાં કુલ 16501 એક્ટિવ કેસ છે. જેમાંથી 93 દર્દીઓને વેન્ટિલેટર સપોર્ટ પર રાખવામાં આવ્યાં છે. જ્યારે 16408ની સ્થિતિ સ્ટેબલ છે.

3230 થયો મૃત્યુઆંક
રાજ્યમાં કોરોના વાયરસનો કહેર વધી રહ્યો છે. કોરોનાની મહામારીના લીધે રાજ્યમાં છેલ્લા 24 કલાકમાં કુલ 17 મોત નોંધાયા છે. જેમાં સુરત અને વડોદરા કોર્પોરેશનમાં 1-1, અમદાવાદ કોર્પોરેશનમાં 3, રાજકોટ અને રાજકોટ કોર્પોરેશનમાં 1-1, ગાંધીનગર કોર્પોરેશનમાં 2, ગાંધીનગર અને ભાવનગર કોર્પોરેશનમાં 1-1, જામનગર કોર્પોરેશનમાં 2, ભરુચમાં 1 અને સુરત કોર્પોરેશનમાં 2 મોતનો સમાવેશ થાય છે. જેથી હવે રાજ્યમાં કુલ મૃત્યુઆંક પણ 3230 થયો છે.

અન્ય રાજ્યની સરખામણીએ ગુજરાતની સ્થિતિ