ગુજરાતઃ 24 કલાકમાં કોરોનાના 996 નવા કેસ અને 08 મોત, કુલ આંકડો 160722 થયો

અમદાવાદઃ એકબાજુ ચીનની અર્થવ્યવસ્થા કોરોના સંકટમાંથી બહાર આવી છે તો ભારત સહિત અન્ય દેશોમાં હજુ કોરોનાનો પ્રકોપ વધી જ રહ્યો છે. છેલ્લા 24 કલાકમાં ભારતમાં નવા 55,722 કેસો નોંધાયા છે અને સાથે જ વધુ 579 દર્દીઓના મોત થયા છે. ભારતમાં સૌથી વધુ કોરોનાનો કહેર મહારાષ્ટ્રમાં છે તો ગુજરાતમાં પણ 24 કલાકમાં નવા 996 દર્દીઓ સામે આવતા હવે કોરોનાનો કુલ આંકડો પણ 160722એ પહોંચ્યો છે.

24 કલાકમાં સ્વસ્થ થયા 1147 દર્દીઓ
24 કલાકમાં રાજ્યમાં કોરોનાના કુલ 52,192 ટેસ્ટ કરવામાં આવ્યાં હતાં. જેથી કુલ ટેસ્ટનો આંકડો પણ 54,26,621 થયો છે. રાજ્યમાં 996 નવા દર્દીઓ સામે 1147 દર્દીઓ સ્વસ્થ થયા છે. જેથી સ્વસ્થ દર્દીઓનો આંકડો પણ 1,42,799 એ પહોંચ્યો છે. રાજ્યની વસ્તીને ધ્યાનમાં લેતા દસ લાખની વસ્તી સામે પ્રતિ દિવસે 802.95 ટેસ્ટ થાય છે.

24 કલાકમાં રાજ્યમાં નોંધાયા 996 કેસ

રાજ્યમાં કુલ એક્ટિવ કેસની સંખ્યા 14277 થઈ

રાજ્યના જુદા જુદા જિલ્લાઓમાં આજની તારીખે કુલ 5,44,943 વ્યક્તિઓને ક્વોરન્ટીન કરવામાં આવ્યાં છે. જે પૈકી 5,44,661 વ્યક્તિઓ હોમ ક્વોરન્ટીનમાં છે અને 282 વ્યક્તિઓને ફેસિલિટી ક્વોરન્ટીનમાં રાખવામાં આવ્યાં છે. આ ઉપરાંત રાજ્યમાં કુલ 14277 એક્ટિવ કેસ છે. જેમાંથી 71 દર્દીઓને વેન્ટિલેટર સપોર્ટ પર રાખવામાં આવ્યાં છે. જ્યારે 14206ની સ્થિતિ સ્ટેબલ છે.

3646 થયો મૃત્યુઆંક
રાજ્યમાં કોરોના વાયરસનો કહેર વધી રહ્યો છે. જોકે, આ દરમિયાનમાં આજે સૌથી ઓછા મૃત્યુ નીપજ્યા હતાં. કોરોના મહામારીમાં છેલ્લા 24 કલાકમાં ગુજરાતમાં 8 લોકોએ પોતાનો જીવ ગુમાવ્યો હતો. જેમાં વડોદરા અને વડોદરા કોર્પોરેશનમાં 1-1, સુરત કોર્પોરેશનમાં 2 અને સુરતમાં 1 જ્યારે અમદાવાદ કોર્પોરેશનમાં 3 દર્દીઓના મોત નીપજતાં હવે કુલ મૃત્યુઆંક પણ 3646 થયો છે.

અન્ય રાજ્યની સરખામણીએ ગુજરાતની સ્થિતિ