ગુજરાતઃ 24 કલાકમાં કોરોનાના રેકોર્ડબ્રેક 1144 નવા કેસ, કુલ આંકડો 59000 પાર

અમદાવાદઃ ભારતમાં હવે કોરોનાની મહામારીનું સંક્રમણ દુનિયામાં સૌથી ઝડપથી ફેલાઈ રહ્યું છે. બ્લૂમબર્ગ કોરોના વાયરસ ટ્રેકર અનુસાર ગત અઠવાડિયાની સરખામણીમાં સંક્રમણમાં 20%નો વધારો જોવા મળ્યો છે. કોરોનાના કુલ કેસના મામલે ભારત દુનિયાભરમાં અમેરિકા અને બ્રાઝીલથી જ પાછળ છે. ગુજરાતમાં પણ કોરોનાનો પ્રકોપ વધતાં છેલ્લા 24 કલાકમાં રેકોર્ડબ્રેક 1144 કેસ સામે આવતા હવે કોરોનાનો કુલ આંકડો પણ 59126એ પહોંચ્યો છે.

24 કલાકમાં સ્વસ્થ થયા 783 દર્દીઓ
24 કલાકમાં રાજ્યમાં કોરોનાના કુલ 22,914 ટેસ્ટ કરવામાં આવ્યાં હતાં. જેથી કુલ ટેસ્ટનો આંકડો પણ 7,13,006 થયો છે. રાજ્યમાં 1144 નવા દર્દીઓ સામે 783 દર્દીઓ સ્વસ્થ થયા છે. જેથી સ્વસ્થ દર્દીઓનો આંકડો પણ 43195 એ પહોંચ્યો છે. રાજ્યની વસ્તીને ધ્યાનમાં લેતા દસ લાખની વસ્તી સામે પ્રતિ દિવસે 352.52 ટેસ્ટ થાય છે.

24 કલાકમાં રાજ્યમાં નોંધાયા 1144 કેસ

રાજ્યના જુદા જુદા જિલ્લાઓમાં આજની તારીખે કુલ 4,83,371 વ્યક્તિઓને ક્વોરન્ટીન કરવામાં આવ્યાં છે. જે પૈકી 4,81,631 વ્યક્તિઓ હોમ ક્વોરન્ટીનમાં છે અને 1740 વ્યક્તિઓને ફેસિલિટી ક્વોરન્ટીનમાં રાખવામાં આવ્યાં છે. આ ઉપરાંત રાજ્યમાં કુલ 13535 એક્ટિવ કેસ છે. જેમાંથી 89 દર્દીઓને વેન્ટિલેટર સપોર્ટ પર રાખવામાં આવ્યાં છે. જ્યારે 13446ની સ્થિતિ સ્ટેબલ છે.

2396 થયો મૃત્યુઆંક
રાજ્યમાં કોરોના વાયરસનો કહેર વધી રહ્યો છે. રાજ્યમાં 24 કલાકમાં સુરત કોર્પોરેશનમાં 8, વડોદરા કોર્પોરેશનમાં 2, અમદાવાદ કોર્પોરેશનમાં 5, સુરતમાં 3, પાટણ અને રાજકોટમાં 2-2, મહેસાણા અને વડોદરામાં 1-1 એમ કુલ 24 વ્યક્તિઓ કોરોના સંક્રમણના કારણે મોતને ભેટ્યા હતાં. જેથી હવે રાજ્યમાં કુલ મૃત્યુઆંક પણ 2396 થયો છે.

અન્ય રાજ્યની સરખામણીએ ગુજરાતની સ્થિતિ