ગુજરાતઃ 24 કલાકમાં કોરોનાના 1068 નવા કેસ અને 26 મોત, કુલ આંકડો 53631 થયો

અમદાવાદઃ સમગ્ર વિશ્વ સહિત ભારતમાં પણ કોરોનાનો પ્રકોપ વધતો જ જઈ રહ્યો છે. દેશમાં કોરોનાના કેસે ફરી રેકોર્ડ નોંધાવ્યો છે. ગત 24 કલાકમાં દેશમાં આશરે 50,000ની નજીક (49,310) કેસ નોંધાયા છે. કોરોનાનો સૌથી વધુ પ્રકોપ મહારાષ્ટ્રમાં છે તો આંધ્રપ્રદેશ, દિલ્હી, કર્ણાટક, તમિલનાડુ, તેલંગાણા, ઉત્તરપ્રદેશ તેમજ પશ્ચિમ બંગાળમાં સ્થિતિ વિકટ બનતી જઈ રહી છે. ગુજરાતમાં પણ છેલ્લા 24 કલાકમાં 1068 કેસ સામે આવતા હવે કોરોનાનો કુલ આંકડો પણ 53631એ પહોંચ્યો છે.

24 કલાકમાં સ્વસ્થ થયા 872 દર્દીઓ
24 કલાકમાં રાજ્યમાં કોરોનાના કુલ 14595 ટેસ્ટ કરવામાં આવ્યાં હતાં. જેથી કુલ ટેસ્ટનો આંકડો પણ 6,06,718 થયો છે. રાજ્યમાં 1068 નવા દર્દીઓ સામે 872 દર્દીઓ સ્વસ્થ થયા છે. જેથી સ્વસ્થ દર્દીઓનો આંકડો પણ 38830એ પહોંચ્યો છે. રાજ્યની વસ્તીને ધ્યાનમાં લેતા દસ લાખની વસ્તી સામે પ્રતિ દિવસે 224.53 ટેસ્ટ થાય છે.

24 કલાકમાં રાજ્યમાં નોંધાયા 1068 કેસ

રાજ્યના જુદા જુદા જિલ્લાઓમાં આજની તારીખે કુલ 3,51,447 વ્યક્તિઓને ક્વોરન્ટીન કરવામાં આવ્યાં છે. જે પૈકી 3,49,683 વ્યક્તિઓ હોમ ક્વોરન્ટીનમાં છે અને 1764 વ્યક્તિઓને ફેસિલિટી ક્વોરન્ટીનમાં રાખવામાં આવ્યાં છે. આ ઉપરાંત રાજ્યમાં કુલ 12518 એક્ટિવ કેસ છે. જેમાંથી 83 દર્દીઓને વેન્ટિલેટર સપોર્ટ પર રાખવામાં આવ્યાં છે. જ્યારે 12435ની સ્થિતિ સ્ટેબલ છે.

2283 થયો મૃત્યુઆંક
રાજ્યમાં કોરોના વાયરસનો કહેર વધી રહ્યો છે. સુરત અને સુરત કોર્પોરેશનમાં 6-6, અમદાવાદ કોર્પોરેશન અને કચ્છમાં 3-3, ગાંધીનગરમાં 1, વડોદરા કોર્પોરેશનમાં 3, જામનગર અને મહેસાણામાં 1-1 તેમજ રાજકોટ અને તાપીમાં પણ 1-1 એમ કુલ 26 મોત સાથે રાજ્યમાં કુલ મૃત્યુઆંક પણ 2283 થયો છે.

24 કલાકમાં અન્ય રાજ્યની સરખામણીએ ગુજરાતમાં નોંધાયેલા કેસ