ગાંધીગીરી: ટ્રાફિક પોલીસે બેદરકાર બનીને ફરતા લોકોને દંડ ફટકારવાના બદલે ફ્રી માસ્ક આપ્યા

અમદાવાદઃ માસ્કના નિયમનું ઉલ્લંઘન કરતા લોકોને પાઠ ભણાવવા માટે ટ્રાફિક પોલીસકર્મીએ ગાંધીગીરીથી પ્રભાવિત થઈને એક નવા અભિયાનની શરૂઆત કરી છે. જેમાં તે વાહન ચાલકોને દંડ કરવાની જગ્યાએ પોતાના પૈસાથી માસ્કનું વિતરણ કરે છે. અને જે લોકો માસ્કના નિયમનું પાલન કરે છે, તેમને ઈનામમાં પેન આપવામાં આવે છે. તેની કિંમત પણ પોલીસકર્મી પ્રદીપસિંહ વાઘેલા જ ચૂકવે છે.

વાઘેલા I ડિવિઝન ટ્રાફિક પોલીસ સ્ટેશનમાં આસિસ્ટન્ટ સબ-ઈન્સ્પેક્ટર છે. તેમણે શરૂ કરેલા ગાંધીગીરીના નવા પ્રોગ્રામનું ટ્રાયલ શનિવારે સીટીએમ ચાર રસ્તા પર યોજાયું હતું.

આ વિશે વાત કરતા વાઘેલા કહે છે, ''આ એક પ્રેરણાત્મક કાર્યક્રમ હતો જેને ઉચ્ચ અધિકારીઓની દેખરેખમાં યોજવામાં આવ્યો હતો. મારા સહકર્મીઓ અને હું ખૂબ જ ઉત્સાહિત છીએ કે લોકો આ કાર્યને વધાવી રહ્યા છે અને કોવિડના ફેલાવાને ઓછું કરવા માટે માસ્ક પહેરવાની જરૂરિયાતને સમજી રહ્યા છે.' વાઘેલા અને તેમની ટીમ દ્વારા શનિવારે 1000 માસ્ક અને પેનનું વિતરણ કરવામાં આવ્યું હતું.

જોઈન્ટ કમિશનર ઓફ પોલીસ (ટ્રાફિક) મયંક ચાવડા અને ASI પ્રદીપસિંહ વાઘેલા ફ્રીમાં માસ્કનું વિતરણ કરવા માટે જરૂરી પરમીશન મેળવી હતી. ચાવડા કહે છે, જો આ પ્રકારની પહેલની શરૂઆત થાય છે અને કોઈ માસ્ક આપવા માટે વોલેન્ટિયર કરે છે તો માસ્ક ન પહેરવાના દંડથી બચી શકાય છે. અમે કોવિડથી બચવા માટે જરૂરી વર્તન પ્રત્યે લોકોમાં જાગૃતી લાવવા આ પ્રકારના વધારે પ્રોગ્રામનું આયોજન કરીશું. અમે આ પ્રકારના કાર્ય માટે સ્પોન્સર્સ શોધવાનો પણ પ્રયાસ કરીશું.

જ્યારે આ વિશે વાઘેલાએ કહ્યું કે, તેમણે 2002માં એક જીવલેણ સંક્રમણ લાગી ગયું હતું અને ડોનેશનની મદદથી જ તેમની ટ્રિટમેન્ટ કરવામાં આવી હતી. તેઓ કહે છે, હું એટલો બધો અસ્વસ્થ હતો કે મને નોકરી દેવી પડશે તેવો ડર લાગી ગયો હતો.