અ'વાદ: ઈયરફોન ભરાવીને ટુ-વ્હીલર ચલાવનાર ચેતજો, ટ્રાફિક પોલીસે શરૂ કરી ડ્રાઈવ

અમદાવાદ: ટ્રાફિકના નવા નિયમોનો અમલ થયા બાદ હવે પોલીસ વધુ કડકાઈ દાખવી રહી છે. હેલ્મેટ વિના ટુ-વ્હીલર અને સીટ બેલ્ટ વિના કાર ચલાવતા વાહનચાલકો સામે તવાઈ બોલાવાઈ છે. અને હવે ચાલુ ટુ-વ્હીલરે ફોન પર વાત કરતા ચાલકોનો વારો છે. પોલીસે કહ્યું, વાહન ચલાવતી વખતે કાનમાં ઈયરફોન ભરાવીને જતા લોકો પર પણ તવાઈ આવશે. વાહન ચલાવતી વખતે કાનમાં વાગતું મ્યુઝિક ધ્યાન ભટકાવી શકે છે. આ અંગેની ડ્રાઈવ ગુરુવારથી શરૂ થઈ છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોDCP (ટ્રાફિક પશ્ચિમ) અજિત રાજયાણે કહ્યું, કાનમાં ઈયરફોન નાખીને ટુ-વ્હીલર ચલાવતી વ્યક્તિને પોતાની દ્રષ્ટિની મર્યાદાની બહારના વાહનોની સૂધબૂધ હોતી નથી. જેના કારણે તેઓ અન્ય વાહનોના હોર્ન પણ સાંભળતા નથી પરિણામે અકસ્માત થાય છે.એક સીનિયર ટ્રાફિક પોલીસે જણાવ્યું કે, લગભગ 1300 ટ્રાફિક પોલીસકર્મીઓ અને 1200 ટ્રાફિક બ્રિગેડ જવાનોને 213 ટ્રાફિક જંક્શન પર તહેનાત કરાયા છે. ટ્રાફિક ડીસીપી તેજસ પટેલે કહ્યું, “આ ડ્રાઈવ માત્ર કાયદાનું પાલન કરાવવા અને દંડ લેવાની નથી. વાહન ચલાવતી વખતે મોબાઈલનો ઉપયોગ કરવો જોખમી સાબિત થઈ શકે છે તે વાત ટુ-વ્હીલરચાલકોને શીખવવાની છે.”બંગાળ, ઓડિશા તરફ આગળ વધ્યું બુલબુલ વાવાઝોડું