અમદાવાદ: વપરાયેલા ખાદ્યતેલનો ઉપયોગ કરીને બાયોડિઝલ અસોસિએશન ઓફ ઈંડિયા (BDAI) બાયોડિઝલ તૈયાર કરશે. BDAIનું લક્ષ્ય છે કે ગુજરાતના 2 લાખ રજિસ્ટર્ડ ફૂડ વેન્ડર્સ પાસેથી 1 કરોડ લિટર વપરાયેલું ખાદ્યતેલ એકત્ર કરી બાયોડિઝલ તૈયાર કરવામાં આવે. અમદાવાદમાં મંગળવારે RUCO (રીપર્પસ યુઝ્ડ કૂકિંગ ઓઈલ) એપના લોન્ચિંગ દરમિયાન આ જાહેરાત કરવામાં આવી. આ એપની મદદથી વપરાયેલા ખાદ્યતેલનું વેપારીઓ અને પ્રોસેસિંગ યુનિટ પાસેથી કરાયેલું કલેક્શન મેનેજ કરી શકાશે. અને આ ખાદ્યતેલને એગ્રીગેટર્સની મદદથી બાયોડિઝલ ઉત્પાદક પાસે મોકલાશે. હાલમાં રાજ્યમાં આ પ્રકારના 27 એગ્રીગેટર્સ છે. આગામી એક વર્ષમાં BDAI વધુ એગ્રીગેટર્સ મૂકવાની યોજના બનાવી રહી છે.
25%થી વધુ TPC સ્વાસ્થ્ય માટે જોખમી
એક્સપર્ટના મતે ખાદ્યતેલને ગરમ કરવામાં આવે છે ત્યારે તેમાં TPC (ટોટલ પોલરાઈઝ્ડ કમ્પાઉન્ડ) વધે છે અને TPC 25 ટકાથી વધી જાય (એકવાર વપરાયેલું ખાદ્યતેલ વારંવાર ગરમ કરવાથી આ વધે છે) ત્યારે આવું તેલ ખાવું સ્વાસ્થ્ય માટે હાનિકારક છે. ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈંડિયા (FSSAI) એક્ટમાં કરવામાં આવેલો સુધારો 1 જુલાઈથી લાગુ થયો છે. સુધારા પ્રમાણે, 25%થી વધુ TPC ધરાવતું ખાદ્યતેલ આરોગવું વ્યક્તિના સ્વાસ્થય માટે નુકસાનકારક છે.
12,000 કરોડનું ફ્યૂઅલ બચાવી શકાશે
FSSAIના CEO પવન અગ્રવાલે જણાવ્યું કે, “2022 સુધીમાં 20 લાખ ટન વપરાયેલા ખાદ્યતેલને બાયોડિઝલમાં રૂપાંતરિત કરવાનું FSSAIનું લક્ષ્ય છે. બાયોડિઝલથી ભવિષ્યમાં 12,000 કરોડનું ફ્યૂઅલ બચાવી શકાશે.” BDAI દ્વારા 87,000 જેટલા લોકોને એગ્રીગેટર તરીકે ટ્રેનિંગ આપવામાં આવશે. 1 જાન્યુઆરી 2019 સુધીમાં દેશભરમાં 350 ડિપો ઊભા કરવાનું BDAIનું લક્ષ્ય છે. આ ડિપો એગ્રીગેટર્સ મેળવેલા ખાદ્યતેલના કલેક્શન સેન્ટર તરીકે કામ કરશે.” BDAI તરફથી મળેલી માહિતી પ્રમાણે, હાલ ગુજરાતમાં બાયોડિઝલનું ઉત્પાદન આણંદ અને સુરતમાં થાય છે.
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.