અમદાવાદઃ શહેરના ઓઢવ વિસ્તારનાના વિરાટનગરમાં બનેલા ધ્રૂજાવી દેનારા હત્યાકાંડમાં પોલીસ હજુ સુધી આરોપી સુધી પહોંચી શકી નથી. આ હત્યા કેસમાં ઘરનો મોભી વિનોદ મરાઠી જ ગુનેગાર હોવાની આશંકા વ્યક્ત કરવામાં આવી રહી છે. પોલીસ દ્વારા ફરાર વિનોદને શોધવા માટે અલગ-અલગ ટીમો બનાવીને જરુરી તપાસ હાથ ધરવામાં આવી રહી છે. આ હત્યા પાછળનું કારણ પણ હજુ સુધી અકબંધ છે, જે હત્યારાની ધરપકડ બાદ ખુલે તેવી સંભાવના વ્યક્ત કરવામાં આવી રહી છે. ઓઢવ પોલીસે બંધ ઘરમાંથી ફરિયાદ બાદ તપાસ કરતા મહિલા તથા તેના બે બાળકો અને વૃદ્ધાનો મૃતદેહ મળી આવ્યો હતો. પોલીસની તપાસની સાથે પોસ્ટમોર્ટમ રિપોર્ટ, એફએસએલ રિપોર્ટ અને ટેક્નિકલ તપાસમાં પણ મહત્વના પુરાવા મળવાની શક્યતા છે.
ઓઢવ પોલીસને તપાસ દરમિયાન વિરાટનગરમાં આવેલી દિવ્યપ્રભા સોસાયટીના બંધ મકાનમાંથી વિનોદની પત્ની સોનલ મરાઠી (37), દીકરી પ્રગતિ મરાઠી (15), દીકરા ગણેશ (17) અને સોનલના બા સુભદ્રાબેન (70)ના મૃતદેહ મળી આવ્યા હતા. જ્યારે ઘરનો મોફી વિનોદ મરાઠી ફરાર છે. આરોપીએ ચારને ધારદાર હથિયારથી ઘા ઝીંકીને કરપીણ હત્યા કરી હોવાનું પ્રાથમિક તપાસમાં બહાર આવ્યું છે. હત્યા પહેલા આરોપીએ શું પગલું ભર્યું હતું તે અંગેની વિગતો પોસ્ટમોર્ટમ અને એફએસએલના રિપોર્ટ્સમાં સામે આવે તેવી સંભાવના વ્યક્ત કરાઈ રહી છે.
વિનોદની પત્ની સોનલ મરાઠીની માતાએ પોતાની દીકરી તથા તેના બાળકો ફોન ના ઉપાડતા હોવાથી તેમના ગુમ થયાની ફરિયાદ પોલીસને કરી હતી, જેના આધારે પોલીસે તપાસ કરતા મંગળવારે રાત્રે બંધ ઘરમાંથી ચાર જણાના મૃતદેહ મળી આવ્યા હતા. વિનોદના સાસુએ કરેલી ફરિયાદમાં જણાવ્યું હતું કે, વિનોદ સામાન્ય બાબતોને લઈને સોનલ સાથે ઝઘડા કરતો હતો, લગભગ બે મહિના પહેલા વિનોદે સોનલ પર હુમલો કર્યો હતો જોકે, હોસ્પિટલમાં અકસ્માતે વાગી ગયું હોવાનું જણાવીને પોતાનો બચાવ કર્યો હતો.
ઓઢવ પોલીસને તપાસ દરમિયાન વિરાટનગરમાં આવેલી દિવ્યપ્રભા સોસાયટીના બંધ મકાનમાંથી વિનોદની પત્ની સોનલ મરાઠી (37), દીકરી પ્રગતિ મરાઠી (15), દીકરા ગણેશ (17) અને સોનલના બા સુભદ્રાબેન (70)ના મૃતદેહ મળી આવ્યા હતા. જ્યારે ઘરનો મોફી વિનોદ મરાઠી ફરાર છે. આરોપીએ ચારને ધારદાર હથિયારથી ઘા ઝીંકીને કરપીણ હત્યા કરી હોવાનું પ્રાથમિક તપાસમાં બહાર આવ્યું છે. હત્યા પહેલા આરોપીએ શું પગલું ભર્યું હતું તે અંગેની વિગતો પોસ્ટમોર્ટમ અને એફએસએલના રિપોર્ટ્સમાં સામે આવે તેવી સંભાવના વ્યક્ત કરાઈ રહી છે.
વિનોદની પત્ની સોનલ મરાઠીની માતાએ પોતાની દીકરી તથા તેના બાળકો ફોન ના ઉપાડતા હોવાથી તેમના ગુમ થયાની ફરિયાદ પોલીસને કરી હતી, જેના આધારે પોલીસે તપાસ કરતા મંગળવારે રાત્રે બંધ ઘરમાંથી ચાર જણાના મૃતદેહ મળી આવ્યા હતા. વિનોદના સાસુએ કરેલી ફરિયાદમાં જણાવ્યું હતું કે, વિનોદ સામાન્ય બાબતોને લઈને સોનલ સાથે ઝઘડા કરતો હતો, લગભગ બે મહિના પહેલા વિનોદે સોનલ પર હુમલો કર્યો હતો જોકે, હોસ્પિટલમાં અકસ્માતે વાગી ગયું હોવાનું જણાવીને પોતાનો બચાવ કર્યો હતો.