I am Gujaratડેન્ગ્યુનો ભરડો: VSમાં 26 ડૉક્ટર સપડાયા
શહેરમાં સંખ્યાબંધ લોકો ડેન્ગ્યુનો શિકાર બન્યા છે તેમાં હવે ડૉક્ટરો પણ બાકાત રહ્યા નથી. અમદાવાદ મ્યુનિસિપલ કોર્પોરેશન સંચાલિત વાડીલાલ હોસ્પિટલના વિવિધ વિભાગોના 26થી વધુ ડૉક્ટરો ડેન્ગ્યુમાં સપડાયા છે. રેસિડન્ટ ડૉક્ટરો કહે છે કે, વી.એસ. હોસ્પિટલના કન્સ્ટ્રક્શન સાઈટના કારણે ડેન્ગ્યુનો વ્યાપ વધ્યો છે. આ ઉપરાંત હોસ્પિટલ અને હોસ્ટેલમાં તંત્ર દ્વારા ફોગીંગ અથવા દવાનો છંટકાવ થતો નથી તેના કારણે ડૉક્ટરો માટે અહીં પરિસ્થિતિ દોજખ બની છે.
એક અંદાજ પ્રમાણે શહેરના ખાનગી તેમજ સરકારી હોસ્પિટલની ઓપીડીમાં મહિને દોઢ લાખ જેટલા દર્દીઓ તાવની ફરિયાદ લઈને આવે છે. એ હિસાબે દરરોજ શહેરમાં પાંચ હજાર વ્યક્તિ બીમાર પડે છે. જેમાંથી લગભગ 10 ટકા જેટલા દર્દી ડેન્ગ્યુ અને મેલેરિયાથી પીડિત છે. એક તરફ ડેન્ગ્યુએ શહેરમાં ભરડો લીધો છે ત્યારે બીજી તરફ ખાનગી લેબોરેટરીઓ દર્દીઓને લૂંટવા ધંધો શરૂ કર્યો છે. અમદાવાદની લેબોરેટરી ડેન્ગ્યુના ટેસ્ટ માટે દર્દી પાસેથી 500થી 1800 રૂપિયા વસૂલી રહી છે. સ્થિતિ એવી બની છે કે, હોસ્પિટલો દર્દીઓથી ઊભરાઈ રહી છે અને દર્દીઓને દાખલ થવા માટે ખાટલાઓ ખૂટી પડ્યા છે.
વી.એસ. હોસ્પિટલના રેસિડન્ટ ડૉક્ટરો કહે છે કે, એક તરફ બીમારીના કારણે તેમને હોસ્પિટલમાં દાખલ થવું પડે છે ત્યારે બીજી તરફ હોસ્પિટલ રજા બદલ દરરોજના 1500 રૂપિયા સ્ટાઈપન્ડ કાપે છે. વીઆઈપી લોકોની સરભરામાં રહેતા હોસ્પિટલ સત્તાવાળાઓ પાસે રેસિડન્ટ ડૉક્ટરો માટે રૂમ નથી. રેસિડન્ટ ડૉક્ટરોની ફરિયાદ છે કે, તેઓ બીમાર પડ્યા છે, તેમ છતાં હોસ્પિટલ સુપરિન્ટેન્ડન્ટ અથવા કોલેજ ડીન બંનેમાંથી એક પણ તેમના ખબર પુછવા આવ્યા નથી. રહેવાની-વોર્ડની સ્થિતિ ખરાબ આ વર્ષે NHL મેડિકલ કોલેજમાં પ્રવેશ મેળવનાર ડૉ. તબરેઝ નુરાની મુળ સૌરાષ્ટ્ર-ધોરાજીનો વતની છે તેને મંગળવારે ડેન્ગ્યુની તપાસ કરાવતા પોઝિટિવ આવ્યો હતો. તે કહે છે કે, હોસ્ટેલમાં રહેવાની તેમજ વોર્ડની પરિસ્થિતિ ખૂબ જ ખરાબ છે. દાખલ થયો ત્યારે 1.96 લાખ બ્લડ પ્લેટલેટ કાઉન્ટ હતા જે ઘટીને 69 હજાર સુધી પહોંચ્યા હતાં.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
