અમદાવાદઃ દેશમાં કોરોના વાયરસનું સંક્રમણ વધતું જ જઈ રહ્યું છે. દેશમાં સતત બીજા દિવસે કોરોના વાયરસના 26000થી વધારે કેસ નોંધાયા છે. અમેરિકા અને બ્રાઝિલ પછી એક દિવસમાં સૌથી વધારે કેસ ભારતમાં આવી રહ્યાં છે. ભારતમાં કુલ આંકડો આઠ લાખને પાર થયો છે. ગુજરાતમાં પણ સતત ત્રીજા દિવસે 800થી વધુ કેસ નોંધાયા છે. જેથી કુલ આંકડો પણ 41000ને પાર થયો છે. જ્યારે છેલ્લા 24 કલાકમાં 10 દર્દીઓનું મોત થતાં કુલ મૃત્યુઆંક પણ 2034 થયો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
24 કલાકમાં 502 દર્દીઓ થયા સ્વસ્થ
રાજ્યમાં અત્યાર સુધીમાં કુલ 4,57,066 ટેસ્ટ કરવામાં આવ્યાં છે. જ્યારે રાજ્યના જુદા જુદા જિલ્લાઓમાં આજની તારીખે કુલ 3,16,774 વ્યક્તિઓને ક્વોરન્ટીન કરવામાં આવ્યા છે. જે પૈકી 3,13,964 વ્યક્તિઓ હોમ ક્વોરન્ટીન છે અને 2810 ફેસિલીટી ક્વોરન્ટીનમાં છે. રાજ્યમાં વધુ 502 દર્દીઓ સ્વસ્થ થતાં હવે કુલ ડિસ્ચાર્જનો આંકડો પણ 28685 થયો છે.
સતત ત્રીજા દિવસે નોંધાયા 800 પાર કેસ
રાજ્યમાં કુલ એક્ટિવ કેસ 10308 છે. જ્યારે 73 દર્દીઓને વેન્ટિલેટર સપોર્ટ પર રાખવામાં આવ્યાં છે, જ્યારે 10235ની સ્થિતિ સ્ટેબલ છે. રાજ્યમાં કોરોના વાયરસના સંક્રમણના કારણે અમદાવાદ કોર્પોરેશનમાં 4, સુરત કોર્પોરેશનમાં 3, દાહોદ અને કચ્છમાં 1-1 તેમજ પાટણમાં પણ 1 એમ કુલ 10 મોત થતાં હવે રાજ્યમાં પણ કુલ મૃત્યુઆંક 2034 થયો છે.
કચ્છ: ગાંધીધામ અને અંજારમાં ભારે વરસાદના કારણે પાણી ભરાયા