અમદાવાદ પોલીસની પ્રશંસનીય કામગીરી: ગરમીથી મૂર્છિત થયેલા વૃદ્ધને હોસ્પિટલ પહોંચાડ્યા

અમદાવાદ: શહેરમાં ગરમીનો પારો લોકોને પરસેવે નવડાવી રહ્યો છે, ત્યારે મંગળવારે 65 વર્ષના એક વૃદ્ધને ગરમીની અસર થતાં તેઓ મૂર્છિત થઈ ગયા હતા. વૃદ્ધની હાલતને જોતા તેમને હોસ્પિટલ પહોંચાડવા માટે એમ્બ્યુલન્સની રાહ જોવાય તેમ નહોતી. આખરે તેમને તાત્કાલિક હોસ્પિટલ પહોંચાડવા માટે પોલીસ મદદે આવી હતી. હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો અમદાવાદ શહેર પોલીસમાં ફરજ બજાવતા PSI ઝેડ.આઈ. શેખે ગરમીથી મૂર્છિત થયેલા વૃદ્ધને પોલીસ વાનમાં જ હોસ્પિટલ પહોંચાડ્યા હતા. અમદાવાદ પોલીસના ટ્વીટર હેન્ડલ પર આ અંગેનો એક વીડિયો પણ શેર કરવામાં આવ્યો છે. જેમાં જોઈ શકાય છે કે પોલીસ વાને સાયરન ચાલુ કરી ટ્રાફિક વચ્ચે પણ વૃદ્ધને તાત્કાલિક હોસ્પિટલ પહોંચાડી તેમને સારવાર અપાવી હતી. પોલીસની આ કામગીરીની લોકો પણ જોરદાર પ્રશંસા કરી રહ્યા છે. ટ્વીટર પર પોલીસની આ ટ્વીટને અત્યાર સુધી 114થી વધુ લોકોએ રીટ્વીટ કરી છે, અને 612 લોકોએ તેને લાઈક કરી છે. જ્યારે 54થી પણ વધુ યુઝર્સે કૉમેન્ટ કરીને પોલીસની કામગીરીને બીરદાવી છે. આ વીડિયોને અત્યાર સુધી બે હજારથી પણ વધુ વ્યૂ મળી ચૂક્યા છે.