અમદાવાદઃ મોટેરા સ્ટેડિયમનું 90 ટકા કામ પૂરું, ટૂંક સમયમાં PM મોદી કરશે ઉદ્ધાટન

અમદાવાદઃ વિચારો ક્રિકેટના સ્ટેડિયમમાં બેઠેલા 1.10 લાખ દર્શકો મેચ દરમિયાન બાઉન્ડ્રી કે વિકેટ પડવા પર એક સાથે શોર-બકોર કરતા હોય તો કેવા દ્રશ્યો સર્જાય. આગામી થોડા સમયમાં અમદાવાદમાં દુનિયાનું સૌથી મોટા સ્ટેડિયમનું ઉદ્ધાટન થયા બાદ આ દ્રશ્યો રિયલ થઈ જશે. શહેરમાં બની રહેલા મોટેરા ક્રિકેટ સ્ટેડિયમની કેપેસિટી ઓસ્ટ્રેલિયાના મેલબોર્ન ક્રિકેટ સ્ટેડિયમની કેપેસિટીને પણ પાર કરી જશે. પ્રધાનમંત્રી નરેન્દ્ર મોદી દ્વારા આગામી બેથી ત્રણ મહિનામાં ઉદ્ધાટન થનારા સ્ટેડિયમનું નિર્માણ કાર્ય પુરું કરવા માટે સેંકડો એન્જિનિયર્સ દિવસ-રાત કામ કરી રહ્યા છે. નરેન્દ્ર મોદી ગુજરાત ક્રિકેટ એસોસિયેશનના પ્રેસિડેન્ટ હતા ત્યારે તેમણે જૂનું સ્ટેડિયમ તોડીને તેની જગ્યાએ નવું સ્ટેડિયમ બનાવવાનો વિચાર મૂક્યો હતો. સ્ટેડિયમ, ક્રિકેટર્સ માટેના રૂમો, ક્લબહાઉસ અને અન્ય સુવિધાઓ તૈયાર થઈ ચૂકી છે. અધિકારીએ જણાવ્યું કે, અત્યાર સુધીમાં 90 ટકા કામ ખતમ થઈ ચૂક્યું છે. સ્ટેડિયમમાં હવે ખુરશી લગાવવાની છે અને મેદાન તથા પીચનું કામ પણ ચાલી રહ્યું છે. નાયબ મુખ્યમંત્રી નીતિન પટેલે કહ્યું કે, અમિત શાહે પ્રોજેક્ટનું કામ સારી રીતે થાય તે સુનિશ્ચિત કર્યું હતું. પ્રધાનમંત્રી નરેન્દ્ર મોદી આ સ્ટેડિયમ દેશ અને દુનિયાને આપવા માટે ટૂંક સમયમાં ગુજરાતના પ્રવાસે આવી શકે છે. સ્કાયવોક માટે હજુ 1 વર્ષ થશે મેટ્રો રેલ સ્કાયવોક પરથી મોટેરા સ્ટેડિયમ જોવા માટે લોકોએ હજુ સપ્ટેમ્બર 2020 સુધી રાહ જોવી પડશે. ગુજરાત મેટ્રો રેલ કોર્પોરેશનના સૂત્રોઅ જણાવ્યું હતું કે, મેટ્રો રેલની ફાઈનલ ડિઝાઈન હજુ એપ્રૂવ થવાની બાકી છે. GMRCના સીનિયર કર્મચારીએ TOIને કહ્યું કે, તેમને સ્કાયવોક માટે સપ્ટેમ્બર 2020 સુધીનો સમય આપવામાં આવ્યો છે.