સ્વનિર્ભર કોલેજોની ફી વધારાના મુદ્દે વિદ્યાર્થી પરિષદના આંદોલનમાં એચ.કે.કોલેજમાં ધમાલ

નવગુજરાત સમય > અમદાવાદ

– ડિપ્લોમા એન્જિનિયરિંગમાં પહેલા રાઉન્ડમાં વિદ્યાર્થીઓને કોલેજની ફાળવણી પછી ફી ભરવાનો આજે છેલ્લો દિવસ હતો. જેમાં કુલ ૩૭૬૧૭ બેઠકો સામે ૨૮ હજાર વિદ્યાર્થીઓ ફી ભરી હતી. આમ, પ્રવેશ સમિતિએ કોલેજની ફાળવણી કર્યા પછી પણ અંદાજે ૯ હજાર જેટલા વિદ્યાર્થીઓએ પ્રવેશ લીધો નહોતો. હવે બીજા રાઉન્ડની પ્રવેશ પ્રક્રિયા આવતીકાલથી શરૂ કરાશે. ડિપ્લોમા ઇજનેરીમાં કુલ ૬૬૯૨૫ બેઠકો પૈકી મેનેજમેન્ટ કવોટાની બેઠકો બાદ કરતાં ૫૯૧૪૫ બેઠકો માટે કાર્યવાહી હાથ ધરવામાં આવી હતી. ઓનલાઇન રજિસ્ટ્રેશન પ્રક્રિયામાં વિદ્યાર્થીઓએ કરાવેલી નોંધણી બાદ પ્રવેશ સમિતિ દ્વારા ૩૭૬૧૭ વિદ્યાર્થીઓને કોલેજની ફાળવણી કરી દેવામાં આવી હતી. આમ, ૫૯૧૪૫ બેઠકો પૈકી માત્ર ૩૭૬૧૭ વિદ્યાર્થીઓેને જ કોલેજની ફાળવણી થઇ હતી. જેનો અર્થ એ થયો કે, વિદ્યાર્થીઓને કોલેજની ફાળવણી થાય તે પહેલા જ અંદાજે ૨૦ હજારથી વધારે બેઠકો ખાલી પડી હતી. જેમને કોલેજ ફાળવણી કરી દેવામાં આવી હતી તેઓને ફી ભરવા માટેની મુદત આપવામાં આવી હતી. ગઇકાલે આ મુદત પુરી થઇ ચૂકી હતી. પ્રવેશ સમિતિના આંકડા પ્રમાણે અંદાજે ૨૮ હજાર જેટલા વિદ્યાર્થીઓએ ફી ભરીને પોતાનો પ્રવેશ કન્ફર્મ કરાવ્યો છે. બાકીના ૯ હજાર જેટલા વિદ્યાર્થીઓએ અગમ્ય કારણોસર ફી ભરવાની તસ્દી લીધી નથી. સૂત્રો કહે છે જેમણે ફી ભરી નથી તે પૈકી કેટલાકે હાલ ધો.૧૧માં અભ્યાસ શરૂ કરી દીધો હોવાની પણ શકયતા છે. આ ઉપરાંત કેટલાક વિદ્યાર્થીઓને યોગ્ય કોલેજ મળી ન હોવાથી બીજા રાઉન્ડમાં ફરીવાર પ્રયાસ કરવાનું પણ નક્કી કર્યું હોવાની શકયતા છે. આવતીકાલે કઇ બ્રાન્ચમાં કેટલી બેઠકો ખાલી પડી તેની વિગતો જાહેર કરવામાં આવશે. જેની સાથે જ બીજો રાઉન્ડ પણ શરૂ કરી દેવાશે. વિદ્યાર્થીઓ તા. ૧૪ થી ૧૬ સુધી ચોઇસ ફિલિંગ કરી શકશે. જેનું પરિણામ આગામી તા. ૧૯મીએ જાહેર કરાશે. આમ, તા.૧૯મીએ બીજો રાઉન્ડ પુરો કરી દેવાશે. બીજા રાઉન્ડમાં જે વિદ્યાર્થીઓને પ્રવેશ મળ્યો હોય અને તે રદ કરવવા ઇચ્છા હોય તો તા.૨૦થી ૨૨મી સુધીમાં આ પ્રક્રિયા થઇ શકશે. આમ, ડિગ્રી ઇજનેરીમાં પહેલા અને બીજા રાઉન્ડ પછી અંદાજે ૩૦ હજારથી વધારે બેઠકો ખાલી પડે તેવી શકયતા ઊભી થઇ છે.