દુનિયાભરમાં કહેર મચાવનારા કોરોના વાઈરસથી લડવા અમદાવાદની આ કંપની શોધી રહી છે દવા

અમદાવાદઃ કોરોના વાયરસે ચીન સહિત દુનિયાના ઘણા દેશોમાં કહેર મચાવ્યો છે. અત્યાર સુધી 1600થી વધારે લોકો તેનો ભોગ બની ચૂક્યા છે. ત્યારે દેશની જાણીતી ફાર્માસ્યૂટિકલ કંપની ઝાયડસ કેડિલાએ શનિવારે જાહેરાત કરી છે કે કંપનીએ કોરોના વાઈરસની દવા શોધવાનો રિસર્ચ પ્રોગ્રામ શરૂ કર્યો છે. અમદાવાદ સ્થિત કંપની ભારત તથા યુરોપની જુદી-જુદી ટીમો સાથે મળીને દવા શોધવાના પ્રયાસમાં લાગી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:વર્લ્ડ હેલ્થ ઓર્ગેનાઈઝેશને કોરોના વાઈરસને કોવિડ-19 નામ આપ્યું હતું. તેની દવા તૈયાર કરવા માટે બે અલગ અભિગમો અપવાનાવવામાં આવી રહ્યા છે. કંપની મુજબ, પહેલા અભિગમમાં કોરોના વાયરસના શરીરમાં પ્રવેશ માટે જવાબદાર મુખ્ય વાયરસ પટલ પ્રોટીનની સામે લડવા DNAના વિકાસ સંબંધિત રસીની રિસર્ચ કરાઈ રહી છે. બીજા અભિગમમાં કોવિક-19 વાયરસ સામે લડવા ઓરીની રસીને રિવર્સ જેનેટિક ટેકનોલોજીની મદદથી દવાના વિકાસ સંબંધિત પ્રયાસો કરાઈ રહ્યા છે.ઝાયડસ ગ્રુપના ચેરમેન, પંકજ પટેલે કહ્યું, આ જીવલેણ વાયરસને અટકાવી શકે તેવી દવાની ઝડપી અને તાત્કાલિક ધોરણે જરૂરિયાત છે. અમારા રિસચર્સ આ જીવલેણ વાયરસને અટકાવવા માટે ઝડપથી દવા શોધવામાં લાગ્યા છે.અમદાવાદના ચાંગોદરમાં આવેલું ઝાયડસ કેડિલા વેસિન ટેકનોલોજી સેન્ટર પ્લાઝમિડ DNA દવા શોધવામાં કામ કરી રહ્યું છે. આ સેન્ટરમાં નવી દવાઓને તૈયાર કરવી અને મેન્યુફેક્ચર કરવાની ક્ષમતા છે.જ્યારે ઝાયડસ કેડિલા ગ્રુપની યુરોપમાં રહેલી ટીમ, ઈટના બાયોટેક, ઓરીની રસીની રિવર્સ જેનેટિક ટેકનોલોજીમાં કામ કરી રહી છે, જેની મદદથી આ પહેલા SARSની રસી શોધાઈ હતી. કંપનીએ વધુમાં જણાવ્યું કે, આ પ્લેટફોર્મ દ્વારા શોધાયેલી દવા સુરક્ષિત, અસરકારક અને પ્રોડક્શન ફેસિલિટીમાં તેના મોટા ડોઝ તૈયાર કરી શકાય છે. ઉલ્લેખનીય છે કે ઝાયડસે આ પહેલા 2010માં સ્વાઈન ફ્લૂ સામે લડવા માટે તે સમયે તેની રસી શોધી હતી.