પાટણઃ રસ્તે રખડતાં કૂતરાનો આતંક, ઘોડિયામાંથી બાળકને ખેંચી જઈ બચકાં ભરતાં મોત

પાલનપુરઃ દિવસેને દિવસે રસ્તે રખડતાં કૂતરાઓનો આતંક વધી રહ્યો છે, જેના કારણે કોઈ એવી ઘટના બની જાય કે જેનું દુઃખ જીવનભર રહી જાય. આવો જ કિસ્સો પાટણ જિલ્લાના સિદ્ધપુર શહેરમાં સોમવારે બન્યો હતો. રસ્તે રખડતું કૂતરું છેક ઘર સુધી આવી ગયું હતુ અને ઘોડિયામાં ઊંઘતા દોઢ વર્ષના બાળકને બહાર ખેંચી ગયું હતું. સૌથી દુખદ વાત એ છે કે આ ઘટના બાદ બાળકનું મોત થયું છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો બાળકના પરિવારનાં નજીકના સંબંધીઓના જણાવ્યા પ્રમાણે કેટલાક છોકરાઓ ટ્યૂશનથી ઘરે પરત ફરી રહ્યા હતા તે સમયે તેમણે જોયું કે કૂતરાએ મોંઢાથી બાળકને પકડી રાખ્યું છે. તરત જ તેમણે કૂતરાને ભગાડ્યો હતો અને બાળકનો જીવ બચાવ્યો હતો, બાદમાં બાળકને સારવાર માટે હોસ્પિટલમાં ખસેડાયું હતું, જો કે માથાના ભાગે ગંભીર ઈજાઓ પહોંચતા તેની હાલત ખરાબ થઈ હતી જે બાદ તેને મહેસાણા લઈ જવાયો હતો, જ્યાં તેણે શ્વાસ છોડી દીધા હતા. નોકરાણીએ મસાજ કર્યા બાદ બાળક ઘોડિયામાં ઊંઘી ગયું હતું, જ્યારે તેના પિતા તેજસભાઈ ધોરી, માતા અને દાદી ઘરના પહેલા માળ પર કામમાં વ્યસ્ત હતા. સિદ્ધપુર નગરપાલિકાના મુખ્ય અધિકારી જિગર બ્રહ્મભટ્ટે કહ્યું કે દરવાજો ખુલ્લો હોવાથી કૂતરું તેમના ઘરમાં ઘૂસી ગયું હતું અને બાળકને ઘોડિયામાંથી બહાર ખેંચી લાવ્યું હતું. બાળકના માતા-પિતાએ મામલે કોઈ ફરિયાદ નોંધાવી નથી.