કૂતરાના નામે પરિવારે 8 વર્ષ સુધી રેશન કાર્ડ પર અનાજ લીધું, આમ ખુલ્યો ભેદ

I am Gujarat

રેશન કાર્ડમાં કૂતરાનું નામ

અમદાવાદઃ પાલનપુરમાં રેશન કાર્ડ સાથે જોડાયેલી મોટી બેદરકારી સામે આવી છે. અહીં એક પરિવાર 8 વર્ષથી કૂતરાના નામે સરકારી સસ્તા અનાજની દુકાનેથી અનાજ લેતો હતો. આ વાતની જાણકારી મામલતદાર કચેરીને થઈ તો હડકંપ મચી ગયો. ઓફિસર અને કર્મચારી બધાની નજર તેના પર પડી અને ઉતાવળમાં કર્મચારીઓએ સ્થિતિને જોતા તરત જ પોતાની ભૂલ સુધારી લીધી.

વહુનું નામ કાર્ડમાં લખાવા પરિવારે થયા ખૂબ ધક્કા

હકીકતમાં પાલનપુરના જેતવાસ ગામના મુગલીબેન પરમારનો પરિવાર રહે છે. તેમના ઘરે આવેલી નવી વહુનું નામ રેશન કાર્ડમાં શામેલ કરવા પરિવારને રાત-દિવસ મામલતદાર કચેરીના ચક્કર ખાવા પડી રહ્યા હતા. પરંતુ તેમ છતાં તેનું નામ રેશન કાર્ડમાં દાખલ નહોતું કરાઈ રહ્યું.

કેવી રીતે સામે આવી કર્મચારીઓની બેદરકારી

સરાકારી અધિકારીઓના કામથી કંટાળીને છેવટે વહુ મામલતદાર કચેરીએ પહોંચી ગઈ. અહીં પહેલા તેણે પોતાનું નામ રેશન કાર્ડમાં ઉમેરવા માટે કર્મચારીઓને કહ્યું. પરંતુ તેઓ તેને ટાળતા રહ્યા. તેનાથી નારાજ થઈને તેણે કહ્યું કે, જો કાળુ કૂતરાનું નામ રેશન કાર્ડમાં લખી શકો છો તો મારું નામ કેમ નથી લખી રહ્યા. આટલું સાંભળતા જ કલેક્ટર કચેરીમાં સોંપો પડી ગયો.

ભૂલ સામે આવતા કર્મચારીઓએ તરત વહુનું નામ ઉમેરી આપ્યું

જ્યારે કર્મચારીઓએ જોયું તો હકીકતમાં રેશન કાર્ડ પર કાળુ નામ લખ્યું હતું, જે તેમના પાલતું કૂતરાનું નામ હતું. ભૂલ સામે આવ્યા બાદ તરત જ કૂતરાનું નામ બદલીને મહિલાનું નામ ઉમેરી દેવામાં આવ્યું. આ વાતની જાણ જ્યારે મીડિયાને થઈ ત્યારે સરકારી અધિકારીઓની બેદરકારીની વાત સામે આવી. પોતાની ભૂલ છુપાવવા માટે કર્મચારીઓએ કારણ આપ્યું કે જ્યારે વસ્તી ગણતરી માટે સરકારી કર્મચારી મુગલીબેન પરમારના ઘરે પહોંચ્યા તો તેમણે પરિવારના સદસ્યના નામમાં કાળુનું નામ લખાવી દીધું.

8 વર્ષથી કૂતરાના નામે અનાજ લેતો પરિવાર

કહેવાઈ રહ્યું છે કે પરિવારના લોકો કાળુના નામે પાછલા 8 વર્ષથી સસ્તા અનાજની દુકાનેથી અનાજ ખરીદી રહ્યા હતા. હવે તો કૂતરાની પણ મોત થઈ ચૂકી છે. જોકે ફરિયાદ મળતા જ કલેક્ટર કચેરીએ પરિવારનું નવું રેશન કાર્ડ બનાવી આપ્યું.