ગુજરાત પ્રવાસે આવેલા રાહુલ ગાંધીએ કર્યા અંબાજીમાં માતાના દર્શન

ગાંધીનગરઃગુજરાત વિધાનસભાની ચૂંટણીમાં ચોથા તબક્કાનો પ્રચાર કરવા માટે રાહુલ ગાંધી આજે ઉત્તર ગુજરાત આવી પહોંચ્યા છે.રાહુલ ગાંધીએ આજે તેમના પ્રથમ દિવસની નવસર્જન યાત્રાના અંતે અંબાજીમાં માં અંબાના દર્શન કર્યા હતા. આજે રાતે રાહુલ ગાંધી અંબાજીમાં જ રાત્રી રોકાણ કરશે. આ પહેલા ઇડર અને હિંમતનગરની તેમની જાહેર સભામાં તેમણે ભાજપ પર આકાર પ્રહાર કરવાનો એક પણ મોકો નહતો છોડ્યો. સાથે જ પોતાની આ જનસભામાં રાહુલ ગાંધીએ કહ્યું કે જીએસટી હેઠળ પેટ્રોલ અને ડિઝલને પણ આવરી લેવા જોઇએ. વધુમાં શાળા અને કોલેજોના ખાનગીકરણ પર પણ તેમણે ટિપ્પણી કરી હતી. નોંધનીય છે કે ગુજરાતમાં હાલ વાલીઓ શાળાની વધતી ફીથી પરેશાની અનુભવી રહ્યા છે. વધુમાં રાહુલ કહ્યું કે અમે ડિસેમ્બર પછી ભાજપની સરકાર ગુજરાતમાં જોવા નહીં મળે.