ભેસોમાંથી વધુ દૂધ મેળવવા માટે કલોલના પશુપાલકોએ કર્યું મોટું કારસ્તાન

મહેસાણા: કલોલમાં તબેલામાં દૂધાળા પશુઓને અપાઈ રહેલ પ્રતિબંધિત ઓક્સિટોસિનના ઇન્જેક્શન આપતા 3 પશુપાલકો સામે ફરિયાદ નોંધાઈ છે. પ્રાપ્ત માહિતી અનુસાર ઉત્તર પ્રદેશમાં રહેતા સુરભી ત્રિપાઠી અને તેમની મિત્ર રૂબીના નિતીન દ્વારા બીમાર પશુઓની દેખરેખ તથા સારવાર અને પશુઓ માટેની કામગીરી કરવામાં આવે છે. તેમના દ્વારા હાલમાં ગુજરાતમાં પશુઓને અપાતા ઓકસિટોસિન ઈન્જેક્શન બાબતે તપાસ કરવામાં આવી હતા. જેના ભાગરૂપે તે કલોલ તાલુકાના શેરીસા ગામે ભેસોના તબેલામાં પહોંચ્યા હતા.

આ દરમિયાન તેમને જાણ થઈ કે કેટલાક પશુપાલકો ભેસોમાંથી વદુ દૂધ મેળવવા માટે તેમને ઓક્સિટોસિનના ઈન્જેક્શન આપી રહ્યા છે. દૂળ વધારે મળે તે માટે પશુપાલકો આ બંને સમયે દોહતા પહેળા ઈન્જેક્શન આપે છે. ત્યારે બંને યુવતીએ પોલીસને સાથે રાખીને શેરીસામાં ત્રણ સ્થળે રેઈડ કરી હતી અને પશુઓને અપાતા ગેરકાયગેસ ઓક્સિટોસિન ઈન્જેક્શનો જપ્ત કર્યા હતા અને 3 પશુપાલકો સામે ફરિયાદ દાખલ કરાવી હતી.

આ દૂધનો ઉપયોગ કરનારાઓને થઈ શકે ગંભીર બીમારી
ઝડપાયેલા પશુપાલકોમાં રફીક અબ્દુલ મોમીન, અકબર વલી મોમીન તથા મોહમ્મદ યુસુફ અબ્દુલ મોમીનનો સમાવેશ થાય છે. પોલીસે ત્રણેય પાસેથી ઓક્સિટોસિનના ઈન્જેક્શનો જપ્ત કર્યા છે. મળતી માહિતી પ્રમાણે ઓક્સિટોસિનના ઈન્જેક્શનથી ભેસ વધુ દૂધ આપે છે આ દૂધનો ઉપયોગ કરનાના લોકોને ભવિષ્યમાં કેન્સર સહિત અન્ય બીમારીઓ થવાની શક્યતા છે.

શેના માટે થાય છે ઓક્સિટોસિન ઈન્જેક્શનનો ઉપયોગ
ફરિયાદમાં જણાવ્યા અનુસાર ઓક્સિટોસિન ઈન્જેક્શનનો ઉપયોગ પ્રેગ્નેન્ટ મહિલાને પ્રસુતિની પીડા ઉપડે તે માટે કરવામાં આવે છે. પરંતુ કલોલામાં આ ઈન્જેક્શનનો ઉપયોગ વધુ દૂધ મેળવવા ભેસાને આપવામાં આવતું હતું. ભેસોને પીડા થતા તેઓ વધૂ પડતું દૂધ આપતી હોય છે. અમુક કિસ્સાઓમાં વધારે પડતા ઈન્જેક્શન આપવાથી ભેસનું મોત પણ થઈ શકે છે.

ઉલ્લેખનીય છે કે, પશુક્રૂરતા નિવારણ માટે કામ કરતી અને પંથકથી અજાણ એવી યુપી અને ઉત્તરાખંડની બે યુવતીઓએ હિંમતનગરમાં પણ પ્રતિબંધિત ઓક્સિટોસિનના ઇન્જેક્શનના લાઇવ પુરાવા એકત્ર કરી રૂરલ પોલીસને સોંપતા બે પશુપાલકો સામે પશુક્રૂરતાની ફરિયાદ નોંધાઇ છે.