પત્નીના પ્રેમસંબંધની જાણ થતા પતિ ઉશ્કેરાયો, વીડિયો જોયા પછી પ્રેમીની હત્યાનું ષડયંત્ર રચ્યું

મહેસાણાઃ કડીમાં પતિએ અકસ્માત સર્જીને તેની પત્નીના પ્રેમીને મોતને ઘાટ ઉતારી દીધો હતો. જોકે પહેલા તો આ એક અકસ્માત જ લાગ્યો હતો. પરંતુ પોલીસે યોગ્ય તપાસ હાથ ધરતા સંપૂર્ણ ઘટનાક્રમ પરથી પડદો ઉઠી ગયો હતો. ઉલ્લેખનીય છે કે મહેસાણાના દંપતિના જીવનમાં તિરાડ પડી ગઈ હતી. પત્નીના અન્ય યુવક સાથેના આડા સંબંધોની જાણ થતા પતિ ગુસ્સામાં આવી ગયો હતો. એટલું જ નહીં પ્રેમી સાથેના તેની પત્નીના ફોટો અને વીડિયો પણ મળી આવતા તેણે હત્યાનું ષડયંત્ર રચ્યું હોવાના અહેવાલો સામે આવી રહ્યા છે. ચલો આ સમગ્ર ઘટનાક્રમ પર નજર કરીએ

પત્નીના પ્રેમ સંબંધની જાણ થઈ
મહેસાણામાં રહેતા દંપતિના જીવનમાં ખટરાગ આવી ગયો હતો. પત્નીના અન્ય યુવક સાથે આડા સંબંધો હોવાની જાણ થતા પતિ ઉશ્કેરાઈ ગયો હતો. એટલું જ નહીં તેને પત્નીના પ્રેમી સાથેના ફોટો અને વીડિયો પણ જોઈ લીધા હતા. આ તમામ પાસાઓ બાદ બંને વચ્ચે ઝઘડો થયો હતો. જેથી પત્ની પતિનું ઘર છોડી સાસરિયે જતી રહી હતી.

પતિએ રચ્યું મોતનું ષડયંત્ર
પત્ની જ્યારે પિયર જતી રહી હતી ત્યારથી તેના પ્રેમી વિરૂદ્ધ પતિ ષડયંત્ર રચવાનું શરૂ કરી દીધું હતું. તેણે કડી પાસે થોળ ચોકડી નજીક રવિવારે રાત્રે પત્નીના પ્રેમીનો અકસ્માત કરાવી દીધો હતો. પત્નીનો પ્રેમી જ્યારે નોકરી પરથી ઘરે પરત ફરી રહ્યો હતો ત્યારે ડાલુ વડે તેની ટક્કર કરાવી મોતને ઘાટ ઉતારી દીધો હતો. આ દરમિયાન પોલીસે સર્વ પ્રથમ અકસ્માતનો ગુનો નોંધી આગળ તપાસ શરૂ કરી હતી.

પોલીસ તપાસમાં થયો ઘટસ્ફોટ
પોલીસે જ્યારે આ ઘટનાની વિગતો માગી ત્યારે જાણ થઈ કે આ અકસ્માત શંકાસ્પદ છે. તેમણે વધુ વિગતો મેળવવાનું શરૂ કર્યું. ઘટનાની કડીઓ જોડાયા બાદ એકપછી એક તથ્યો બહાર આવતા ગયા. મૃતકના પ્રેમ સંબંધો અને પતિ પત્ની વચ્ચેનો ખટરાગ પણ સામે આવ્યો હતો. ત્યારપછી પતિની પૂછ પરછ કરવામાં આવી હતી. જ્યારે જાણવા મળ્યું હતું કે પત્ની પિયર જ રહેવા લાગી હતી.

પ્રેમી અને પત્નીના ફોટો-વીડિયો જોઈ ઉશ્કેરાયોઆરોપી પતિને થોડા સમય પહેલા તેની પત્નીના વીડિયો અને ફોટોગ્રાફ્સ મળ્યા હતા. તેમાં તે પ્રેમી સાથે હોવાનું જોવા મળ્યું હતું. આ દરમિયાન પ્રેમી અને પત્નીના આડાસંબંધોના કારણે ઝઘડો કરીને પત્નીને પિયર મોકલી દીધી. પછી અંગત અદાવતે તેણે પ્રેમીને મોતને ઘાટ ઉતારવાનું ષડયંત્ર રચી લીધું હતું.