પ્રેમી-પ્રેમિકા હાથ બાંધી કેનાલમાં કૂદ્યા, પ્રેમિકાને ડૂબાડી પ્રેમી ભાગી ગયો

પાલનપુર: પરિણિત યુવકના પ્રેમમાં પાગલ એક યુવતીનું તેના જ પ્રેમીએ આશ્ચર્યજનક રીતે મોત નીપજાવ્યું છે. બનાસકાંઠાના અભેપુરા ગામમાં રહેતો યુવક એક યુવતીના પ્રેમમાં હતો. આ યુવતીના લગ્ન પણ બીજે થઈ ગયા હતા. જોકે, બંને અલગ-અલગ સમાજના હોવાથી એક થવું અશક્ય લાગતાં પ્રેમી-પ્રેમિકાએ સાથે જ આપઘાત કરવાનો નિર્ણય લીધો હતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો અભેપુરા ગામનો અલ્પેશ (નામ બદલ્યું છે) થરાદની અલ્પા (નામ બદલ્યું છે) સાથે પ્રેમસંબંધો ધરાવતો હતો. અલ્પેશ અને અલ્પા બંને પરણેલા હતા. સમાજ એક નહીં થવા દે તેના ડરે થરાદની કેનાલમાં કૂદીને બંને આપઘાત કરવા પહોંચ્યા હતા. મરતી વખતે પણ એકબીજાનો સાથ ન છોડવા માગતા અલ્પેશ અને અલ્પાએ દુપટ્ટાથી એકબીજાના હાથ પણ બાંધી દીધા હતા. જોકે, કેનાલમાં કૂદ્યા બાદ અલ્પા ડૂબવા લાગી હતી, અને અલ્પેશ તે વખતે જ દુપટ્ટો છોડાવીને કેનાલની બહાર નીકળી ગયો હતો. આ કરુણ ઘટનામાં ડૂબી જવાના કારણે અલ્પાનું મોત થયું છે, જ્યારે અલ્પેશ હાલ ફરાર છે. આ ઘટનાની જાણ થતાં ફાયરબ્રિગેડે અલ્પાનો મૃતદેહ કેનાલમાંથી બહાર કાઢ્યો હતો. બીજી તરફ, ફરાર અલ્પેશની પોલીસે શોધખોળ હાથ ધરી છે.