એપશહેર

વાવના પરિવારનો કડીની કેનાલમાં સામુહિક આપઘાત: પાંચના મોત

I am Gujarat 21 Sep 2016, 2:14 am
નવગુજરાત સમય > મહેસાણા
I am Gujarat north gujarat 6
વાવના પરિવારનો કડીની કેનાલમાં સામુહિક આપઘાત: પાંચના મોત


– બનાસકાંઠા જિલ્લાના વાવ તાલુકાના મોરીખા ગામના ચૌધરી પરિવારે કડીના થોળ રોડ પરની નર્મદા કેનાલમાં ઝંપલાવી સામુહિક આપઘાત કરતાં બે માસુમ બાળકો સહિત પાંચના મોત નીપજ્યા હતા. જોકે, પરિવારના મોભી પુરૂષનો બચાવ થયો છે. સામુહિક આપઘાતના આ બનાવ અંગે કોઈ કારણ હજુ બહાર આવ્યું નથી. વહીવટી તંત્રએ કેનાલમાંથી ત્રણ મૃતદેહો શોધી કાઢી અન્ય બેની શોધખોળ આદરી છે.

બનાસકાંઠા જિલ્લાના વાવ તાલુકાના મોરીખા ગામમાં રહેતા ભૂરાભાઇ ધનજીભાઇ ચૌધરીએ પત્ની, તેમની બે પુત્રીઓ,એક ભાણી અને છ માસના ભાણા સાથે મંગળવારે કડી નજીક નર્મદા કેનાલમાં ઝંપલાવી સામુહિક આત્મહત્યાનો પ્રયાસ કર્યો હતો. જેમાં પરિવારના મોભી ભૂરાભાઈને તરતા આવડતું હોવાથી બચી ગયા હતા. બાદમાં આ અંગે પોલીસને જાણ કરતા જ વહીવટી તંત્રએ કેનાલમાં ઝંપલાવનાર અન્ય લોકોની શોધખોળ હાથ ધરી હતી. જેમાં મોડી સાંજ સુધીમાં ડાંગરવા નજીકથી બે માસુમ બાળકો સહિત ત્રણ મૃતદેહો મળ્યાં હતા. અન્ય બેની શોધખોળ ચાલુ છે. વાવ તાલુકાના મોરીખા ગામના પરિવાર દ્વારા સામુહિક આત્મહત્યા કરવા અંગે કોઈ ચોક્કસ કારણ જાણી શકાયું નથી. ત્યારે સામુહિક આત્મહત્યા પાછળ આર્થિક કે સામાજિક કારણ હોવાનું પણ અનુમાન છે. સામુહિક આત્મહત્યા કરનારા આ પરિવાર સોમવારે થરાદ જવાનું કહીને ઘરેથી નીકળ્યો હતો. આ બનાવ અંગે વાવ પોલીસને જાણ કરી સામુહિક આત્મહત્યા કરનાર પરિવાર વિશે જાણકારી મંગાવવામાં આવી છે. બીજી તરફ બનાસકાંઠા જિલ્લાના ચૌધરી પરિવાર દ્વારા કડી નજીક સામુહિક આત્મહત્યા કરવાના આ બનાવને લઇને અનેક તર્કવિતર્ક થઈ રહ્યા છે.

મૃતકોમાં કોનો કોનો સમાવેશ

ધર્મીબેન ભૂરાભાઇ ચૌધરી (ઉ-૪૭ વર્ષ) (પત્ની), મોટી પુત્રી પાર્વતીબેન ખેમાભાઇ ચૌધરી (ઉં. વ 30) તેના બે બાળકોમાં સુકીબેન ખેમાભાઈ ચૌધરી( ઉં.વ.૨), ધ્રુવ ખેમાભાઈ ચૌધરી( ઉં.વ. છ માસ) અને નાની પુત્રી હરીબેન ભૂરાભાઈ ચૌધરીનો સમાવેશ થાય છે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો