Video: PM મોદીએ અંબાજી મંદિરમાં કરી પૂજા-અર્ચના, ગબ્બરમાં મહાઆરતીમાં ભાગ લીધો

અંબાજી: ગુજરાતની બે દિવસની મુલાકાતના અંતિમ દિવસે વડાપ્રધાન મોદી બનાસકાંઠા જિલ્લામાં આવેલા શક્તિપીઠ અંબાજી મંદિર ખાતે પહોંચ્યા હતા. નવરાત્રીના પાંચમાં નોરતે તેમણે મા અંબાના ચરણોમાં શિશ ઝૂંકાવ્યું હતું અને આદ્યશક્તિની પૂજા-અર્ચના કરી હતી. આ ઉપરાંત તેમણે ગબ્બર પર્વર પર પણ માતાજીની આરતી કરી હતી. નોંધનીય છે કે, પીએમ મોદીએ શુક્રવારે બનાસકાંઠા જિલ્લાને 6909 કરોડના વિકાસકાર્યોની ભેટ આપી છે.
'વીર પુરુષો સાથે જોડાયેલું છે માતાઓનું નામ'
ઉલ્લેખનીય છે કે, ગુજરાતના અંબાજીમાં જનસભાને સંબોધતા પીએમએ કહ્યું કે અહીંના વીર પુરુષો સાથે માતાનું નામ જોડાયેલું છે. અર્જુન મહાન પરાક્રમી યોદ્ધા હતા પરંતુ ક્યારેય સાંભળ્યું નથી કે પાંડુ પુત્ર અર્જુન તેમને હંમેશા કુંતી પુત્રથી સંબોધવામાં આવતા હતા. આવી જ રીતે ભગવાન કૃષ્ણને પણ દેવકી નંદન જ્યારે હનુમાનજીની વાત આવે છે, ત્યારે તેમને અંજની પુત્ર કહેવામાં આવે છે.
'માતાના નામ પર આપી રહ્યા છે પ્રધાનમંત્રી આવાસ'
આ આપણી મૂડી છે, આ આપણી સંસ્કૃતિ છે કે આપણે આપણા દેશ ભારતને આપણી માતા માનીએ છીએ અને આપણી જાતને ભારત માતાના સંતાનો માનીએ છીએ. અમે પ્રધાનમંત્રી આવાસો પણ માતાના નામ પર આપી રહ્યા છીએ. પીએમે કહ્યું કે આ તહેવારોની સિઝનમાં ગરીબ પરિવારોની બહેનોને તેમનું રસોડું ચલાવવામાં કોઈ સમસ્યા ન આવે, તેથી સરકારે મફત રાશનની યોજનાને લંબાવી છે.
'કેન્દ્ર સરકારની દરેક યોજનામાં મહિલા શક્તિ'તેમણે કહ્યું કે કેન્દ્ર સરકાર આ યોજના પર લગભગ 4 લાખ કરોડ રૂપિયાનો ખર્ચ કરી રહી છે, જે દેશના 80 કરોડથી વધુ સાથીઓને મુશ્કેલ સમયમાં રાહત આપે છે. વડાપ્રધાને કહ્યું કે, શૌચાલય હોય, ગેસ કનેક્શન હોય, દરેક ઘર માટે પાણી હોય, જન ધન ખાતા હોય, મુદ્રા યોજના હેઠળ ગેરંટી વગર લોન હોય, કેન્દ્ર સરકારની દરેક મોટી યોજનામાં દેશની મહિલા શક્તિ છે.