ગાંધીનગરમાં PSIએ જમાદારને લાફો મારવાના પ્રકરણમાં તપાસનો આદેશ કરાયો

ગાંધીનગર: શુક્રવારે ગાંધીનગરમાં બંદોબસ્ત દરમિયાન સાબરકાંઠા LCBના PSIએ જમાદારને લાફો મારવાના પ્રકરણમાં જિલ્લા પોલીસ વડા દ્વારા તપાસનો આદેશ કરાયો છે. ઉલ્લેખનીય છે કે, ગાંધીનગરમાં વિધાનસભાના બંદોબસ્ત દરમિયાન ઈન્ફોસિટી પોલીસ મથકના ડી સ્ટાફના પોલીસકર્મીએ પાણીની બોટલ ના આપતા PSI લાફો ઝીંકી દીધો હતો. આ ઘટના બાદ પોલીસ બેડામાં ભારે સનસનાટી મચી ગઈ હતી.

PSI દોષિત જણાશે તો ખાતાકીય પગલાં લેવાશે
આ સમગ્ર મામલે સાબરકાંઠા જિલ્લાલ પોલીસ વડા નિરજકુમાર બડગુજરે જણાવ્યું કે, સમગ્ર ઘટનાની તપાસ ચાલી રહી છે. જો PSI દોષિત જણાશે તો તેમની સામે ખાતાકીય પગલાં ભરવામાં આવશે.
ગાંધીનગરમાં અરવલ્લીના PSIએ પાણીની બોટલ માટે કોન્સ્ટેબલને લાફો મારી દીધો!
ગાંધીનગરમાં વિધાનસભાના બંદોબસ્ત દરમિયાન બનેલી ઘટના
પ્રાપ્ત અહેવાલો અનુસાર વિધાસભા સત્ર અને આદિવાસી સંમેલન ચાલતુ હોવાથી ગાંધીનગર વિધાનસભા ખાતે પોલીસનો ચાપતો બંદોબસ્ત ગોઠવાયો હતો. જેમાં સાબરકાઠા એલસીબીના પીએસઆઈને પણ બંદોબસ્તમાં મુકવામાં આવ્યા હતા. અલગ-અલગ જિલ્લામાંથી આવેલા પોલીસ અધિકારીઓ અને પોલીસ કર્મચારીઓનો સ્ટાફ સેન્ટ્રલ વિસ્ટા ગાર્ડન પાસે બંદોબસ્તમાં તૈનાત હતો. તે સમયે ઈન્ફોસિટી પોલીસના જમાદાર ફોન પર વાત કરતા હતા ત્યારે PSI ઈશારામાં બોલાવ્યા હતા પરંતુ ફોન પર વાત કરતા હોવાથી જમાદારે ધ્યાન આપ્યો નહીં.
ગુજરાતમાં વધુ એક પેપર લીક કાંડ? વન વિભાગની પરીક્ષાનું પેપર ફૂટ્યાનો આક્ષેપ
જમાદારે પાણીની બોટલ ના આપતા PSIએ લાફો માર્યો
થોડા સમય પછી જ્યારે ફોન પરની વાતચીત પૂર્ણ થયા બાદ જ્યારે જમાદાર PSI પાસે ગયા ત્યારે PSI પાણીની બોટલ લઈ આવવા બૂમ પાડી હતી કેમ સાંભળી નહીં કહેતા જમાદારે ફોન પર વાતચીત ચાલુ હોવાથી તાત્કાલિક આવી શક્યો નહીં તમારે પાણી પીવું હોય તો લઈ આવવાનું કહેતા PSIએ પિત્તો ગુમાવ્યો હતો અને જમાદારને લાફો ઝીંકી દીધો હતો. બનાવની જાણ થતાં ઉચ્ચ પોલીસ અધિકારીઓ દોડતા થયા હતા અને મામલો થાળે પાડવા પ્રયાસો કરવામાં આવ્યો હતો. સમગ્ર મામલે જિલ્લા પોલીસ વડાએ તપાસના આદેશ આપ્યા છે.