વલસાડ: ધરમપુર નજીક ટેમ્પો અને બાઈક વચ્ચે સર્જાયેલા અકસ્માતમાં 19 વર્ષીય યુવકનું મોત

ધરમપુર, વલસાડ: દક્ષિણ ગુજરાતના વલસાડ જિલ્લાના ધરમપુર તાલુકાના બિલપુડી ગામ નજીક એક ગંભીર અકસ્માત સર્જાયો હતો. જેમાં બાઈક પર કપડાં લેવા જઈ રહેલા એક બાઈકચાલક યુવકને મિની ટેમ્પોએ અડફેટે લેતાં અકસ્માત સર્જાયો હતો. જેમાં બાઈકચાલક યુવકનું કરૂણ મોત નીપજ્યું હતું. હાલ ધરમપુર પોલીસે વધુ તપાસ હાથ ધરી છે. અકસ્માત બાદ ટેમ્પો ચાલક ભાગી ગયો હોવાનું જાણવા મળે છે.વલસાડ જિલ્લાના ધરમપુર નજીક ગમખ્વાર અકસ્માત સર્જાયો છે. બિલપુડી પાસે ટેમ્પો અને બાઈક વચ્ચે અકસ્માત થતાં બાઈકચાલક યુવકનું ઘટનાસ્થળે મોત નીપજ્યું છે. આ અકસ્માતમાં મૃત્યુ પામેલો યુવક ફૂલવાડી ગામનો હોવાનું સામે આવ્યું છે. અકસ્માતની આ ઘટનામાં 19 વર્ષીય યુવકનું કરુણ મોત થયું છે. અકસ્માત સર્જાયા બાદ ટેમ્પોચાલક ભાગી ગયો હોવાનું સામે આવ્યું છે. અકસ્માત થતાં તેની તાત્કાલિક ધોરણે પોલીસને જાણ કરવામાં આવી હતી. મળતી માહિતી મુજબ, અકસ્માતમાં મોતને ભેટનાર યુવકનું નામ મિલનભાઈ અને તેની ઉંમર 19 વર્ષ હતી. તે ધરમપુરના ફૂલવાડી ગામનો હતો. જે ધરમપુર કપડાં લેવા માટે જઈ રહ્યો હતો.

રાજકોટ: બાઈક ચલાવી રહેલા 25 વર્ષીય યુવકનું ખુલ્લા ખાડામાં પડી જતાં મોત

શુક્રવારે રાજકોટમાં રૈયા ટેલિફોન એક્સચેન્જ પાસે ઓવરબ્રિજ માટે ગર્ડરનો પાયો નાખવા માટે ખોદવામાં આવેલા ખાડામાં પડી જતાં 25 વર્ષીય યુવકનું મોત થયું હતું. મૃતકની ઓળખ હર્ષ દાવડા (25) તરીકે થઈ હતી. અકસ્માતની આખી ઘટના રોડ પર લાગેલી સીસીટીવી કેમેરામાં કેદ થઈ હતી. જેના આધારે પોલીસે પણ આગળની તપાસ હાથ ધરી હતી.
પોલીસના જણાવ્યા અનુસાર, RMC દ્વારા બાંધકામ કરતી એજન્સીએ ઓવરબ્રિજ પાસે ખાડો ખોદ્યો હતો. બાઇક ચલાવતા હર્ષે કાબુ ગુમાવ્યો હતો અને ખાડામાં પડી ગયો હતો અને તેનું ઘટનાસ્થળે જ મોત થયું હતું. તે એક ખાનગી પેઢીમાં કામ કરતો હતો અને તેના માતા-પિતાનો એકમાત્ર સંતાન હતો. હર્ષના મૃત્યુથી પરિવાર પર દુ:ખનો પહાડ તૂટી પડ્યો છે. રાજકોટ મ્યુનિસિપલ કમિશનર અમિત અરોરાએ જણાવ્યું હતું કે, આ ખૂબ જ કમનસીબ ઘટના છે. મેં સિટી એન્જિનિયરને સ્થળની મુલાકાત લેવા અને તપાસ કરવા જણાવ્યું છે. જો બેદરકારી જણાશે તો એજન્સી સામે કાર્યવાહી કરવામાં આવશે.