કેનેડિયન પતિએ લગ્ન બાદ ડોલર નહીં મળતા ગુજરાતમાં રહેતી પત્નીના ફોટા વાયરલ કરી દીધા

નવસારી: કેનેડામાં રહેતા પતિએ લગ્ન બાદ ડોલર નહીં મળતા બારડોલીની યુવતીના ફોટા વાયરલ કર્યા હોવાના આક્ષેપ સાથે શિક્ષિકાએ બારડોલી પોલીસ સ્ટેશનમાં આરોપી પ્રનિલ ભીંડી સામે ફરિયાદ નોંધાવતા પોલીસે તેની સામે ફોજદારી ગુનો નોંધીને વધુ તપાસ હાથ ધરી છે. ફરિયાદ અનુસાર પતિએ કેનેડાથી જ પત્ની પર ચારિત્ર્યની શંકા કરીને તેના ફોટા વાયરલ કરી દીધા હતા.

હવે IamGujarat સાથે વોટ્સએપ પર જોડાઓ અને મેળવો દરેક મહત્વના સમાચાર

લગ્ન પહેલા બંને ડિવોર્સી જ હતા, પતિ કેનેડામાં રહેતો હતો
બારડોલી પોલીસ સ્ટેશનમાં નોંધાયેલી ફરિયાદ અનુસાર બારડોલીની એક મહિલા શિક્ષક પહેલા લગ્નમાં ડિવોર્સ થયા બાદ પોતાના બે સંતાનો સાથે રહેતી હતી. થોડા સમય પહેલા મહિલા શાદી ડોટ.કોમ નામની વેબના માધ્યમથી કેનેડાના બ્રિટિશ કોલમ્બિયા પ્રાંતના સરે ટાઉનમાં રહેતા પ્રનીલ ભીંડી નામના ડિવોર્સ યુવકના સંપર્કમાં આવી હતી.

વાતચીત આગળ વધતાં નવસારીમાં આવીને કર્યા લગ્ન
ફરિયાદ અનુસાર બંને વચ્ચે વાતચીત થતાં યુવક ભારતમાં આવીને નવસારીના જુના થાણાના શિવ મંદિરમાં લગ્ન કર્યા હતા. લગ્નબાદ કેનેડિયન પતિ સાથે યુવતી તેની બહેનના ઘરે રોકાઈ હતી. જ્યાં પ્રનીલે પત્નીના મોબાઇલમાં ફોટા અને વિડીયો ઉતારી લીધા હતા. પાસવર્ડ જાણી લીધા બાદ પતિ તેનો મોબાઈલ પણ પોતાની સાથે જ રાખતો હતો અને તક મળતા જ બધા ફોટા વિડીયો પોતાના મોબાઈલમાં લઈ લીધા હતા.

'20000 ડોલર આપી દે નહીંતર ફોટા વાયરલ કરી દઈશ'
ત્યારબાદ 17 જાન્યુઆરી 2023ના રોજ રજિસ્ટ્રાર મેરેજ કરી પતિ પ્રનીલ ભીંડી 22મી જાન્યુઆરીએ પરત કેનેડા જતો રહ્યો હતો. કેનેડા ગયા બાદ પતિએ સબંધીઓને યુવતીના ચારિત્રલક્ષી આક્ષેપો કરી પત્નીના કુટુંબ પાછળ ખર્ચો કર્યો હોવાનું જણાવી 20 હજાર કેનેડિયન ડોલરની માંગણી કરી હતી. ફરિયાદમાં જણાવ્યા અનુસાર પ્રનીલે તું મારા 20000 ડોલર નહીં આપે તો ફોટા વાયરલ કરી દઈશ.

બારડોલી પોલીસ સ્ટેશનમાં મહિલા શિક્ષકે નોંધાવી ફરિયાદજો કે, શિક્ષિકાએ ડોલર નહીં આપતા પતિ મહાશયે કેનેડાથી પોતાની ઈમેલ આઈડીના આધારે બારડોલીની બે જાણીતી એનજીઓના સોશિયલ મીડિયા પેજ પર તેમજ શિક્ષિકાના તમામ સગા સંબંધી અને મિત્રોના ફોન પર ફોટા વાયરલ કરીને બદમાન કરી હતી. જેથી મહિલા શિક્ષકે તેનીસામે બારડોલી પોલીસ સ્ટેશન ફરિયાદ નોંધાવતા કાયદેસરની કાર્યવાહી હાત ધરવામાં આવી છે.