બનાસકાંઠામાં બોગસ વોટિંગની આશંકા, 8ની અટકાયત

I am Gujarat

બનાસકાંઠામાં ઊઠી ફરિયાદ

અમદાવાદ: ગુજરાત વિધાનસભાની 93 બેઠકો માટે બીજા તબક્કાનું મતદાન યોજાયું હતું. જે દરમિયાન બનાસકાંઠા જિલ્લામાં મતદાન શરૂ થયાના થોડા કલાકોમાં જ બોગસ મતદાન થયાની ફરિયાદો ઉઠી હતી. ચૂંટણીપંચે ત્વરિત કાર્યવાહી કરતા 8 લોકોની અટકાયત કરી હતી.

પહેલા જ આપી દીધો હતો કોઈએ વોટ

બનાસકાંઠાના થરાદ તાલુકાના જમડામાં સવારે સાડા ત્રણ કલાકમાં જ 17 ટકા જેટલું મતદાન નોંધાયું હતું. દરમિયાનમાં કેટલાક લોકો વોટ આપવા પહોંચ્યા ત્યારે તેમને જાણ થઈ હતી કે તેમના નામના વોટ પહેલા જ પડી ગયા છે. જે અંગે તેમણે સંબંધિત અધિકારીઓને જાણ કરી હતી. જેના પગલે ચૂંટણી પંચે ત્વરિત કાર્યવાહી કરતા 8 લોકોની અટકાયત કરી લીધી હતી. ઘટનાને જિલ્લાના ઉચ્ચ પોલીસ અધિકારીઓ ઘટના સ્થળે દોડી ગયા હતા.

8ની અટકાયત

જોકે, બોગસ મતદાન કરવાની આશંકાએ 8 વ્યક્તિઓની અટકાયત કરી લેવાયા બાદ મતદાનની પ્રક્રિયા આગળ વધારવામાં આવી હતી. જોકે, બોગસ વોટિંગ કોની તરફેણમાં થયું છે તે હજુ સુધી જાણી શકાયું નથી.

18મીએ આવશે પરિણામ

ઉલ્લેખનીય છે કે, આજે બીજા તબક્કાનું મતદાન શરૂ થયું ત્યારે પણ કેટલીક જગ્યાએ ઈવીએમ ખોટકાયાની ફરિયાદો ઉઠવા પામી હતી. જોકે, ચૂંટણી પંચ દ્વારા આ મશીનો રિપ્લેસ કરી દેવામાં આવ્યા હતા. એકાદ-બે ઘટનાઓને બાદ કરતાં એકંદરે મતદાન શાંતિપૂર્ણ રહ્યું હતું. પ્રથમ તબક્કામાં 89 બેઠકો માટે 9મી જાન્યુઆરીએ અને બીજા તબક્કાની 93 બેઠકો માટે આજે મતદાન યોજાયું હતું. ચૂંટણીનું પરિણામ 18મી ડિસેમ્બરે જાહેર કરવામાં આવશે.