ગુજકેટ પરીક્ષાની તારીખ જાહેર, 5 ફેબ્રુઆરી સુધી ભરી શકાશે ફોર્મ

અમદાવાદઃ ગુજરાત શિક્ષણ બોર્ડ દ્વારા રાજ્યભરમાં ગુજકેટ 2020ની પરીક્ષા માટેની તારીખ જાહેર કરી દીધી છે. આગામી 31 માર્ચના રોજ ગુજકેટની પરીક્ષા યોજાશે. જેના માટે વિદ્યાર્થીઓ ઓનલાઈન ફોર્મ ભરી શકે છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરોગુજકેટની પરીક્ષા માટેના ફોર્મ વિદ્યાર્થીઓ ઓનલાઈન 21મી જાન્યુઆરીથી 5મી ફેબ્રુઆરી સુધી ભરી શકશે. ગુજકેટ-2020ની તમામ માહિતી તથા ઓનલાઇન ફોર્મ ભરવાની તમામ સૂચનાઓ www.gseb.org વેબસાઇટ પર મૂકવામાં આવી છે.ડીગ્રી એન્જિનિયરીંગ, ફાર્મસીમાં પ્રવેશ મેળવતા A,B અને AB ગ્રુપ ધરાવતા વિજ્ઞાન પ્રવાહના વિદ્યાર્થીઓ આ પરીક્ષા આપે છે. ગુજેકટ માટે પરીક્ષા ફી 300 રૂપિયા રાખવામાં આવી છે. ગુજકેટની ફી SBI Epay સિસ્ટમ મારફતે ઓનલાઈન તેમજ ઓફલાઈન SBIની કોઈ પણ બ્રાંચમાંથી ભરી શકાશે.