મેલવીન રેગી થોમસ, સુરતઃ રેલવે પ્રધાન પીયુષ ગોયલ માટે સુરત રેલવે સ્ટેશનની મુલાકાત ત્યારે સૌથી વધુ ક્ષોભજનક બની ગઈ હતી જ્યારે રેલવે સ્ટેશનના ઇન્સ્પેક્શન વચ્ચે જ તેઓ પોતે 4 નંબરના પ્લેટફોર્મ પાસે એસ્કેલેટર પર ફસાઈ ગયા હતા.
વડોદરા-વારાણસી મહામના એક્સપ્રેસને અપાઈ લીલી ઝંડી
સૂત્રોના જણાવ્યા મુજબ શુક્રવારે સવારે રેલવે પ્રધાન ગોયલ દિલ્હીથી પ્લેન દ્વારા સુરત આવી પહોંચ્યા હતા. અહીંથી તેઓ વડોદરા ખાતે વડોદરા-વારાણસી સુપરફાસ્ટ મહામના એક્સપ્રેસને લીલી ઝંડી આપવાના કાર્યક્રમમાં ભાગ લેવા પહોંચ્યા હતા. આ એક્સપ્રેસને વડાપ્રધાન મોદી દિલ્હી ખાતેથી વીડિયો કોન્ફેરન્સિંગ દ્વારા લીલી ઝંડી આપી હતી.
એસ્કેલેટર પર અધવચ્ચે જ ફસાઈ ગયા પ્રધાન અને અધિકારીઓ
આ દરમિયાન નવસારીના સાંસદ સી.આર. પાટીલ અને વેસ્ટર્સ રેલવેના DRM મુકુલ જૈન પણ તેમની સાથે હતા. સુરત રેલવે સ્ટેશન પહોંચી ગોયલ સ્ટેશનનું ઇન્સ્પેક્શન કરવા પ્લેટફોર્મ પર પહોંચ્યા. તેમની સાથે રેલવેના અધિકારીઓ, રાજનેતાઓ, મીડિયાકર્મીઓ અને રલવે પ્રોટેક્શન ફોર્સના જવાનોએ જ્યારે પ્લેટફોર્મ પર જવા માટે એસ્કેલેટરનો ઉપયોગ શરૂ કર્યો ત્યારે અધવચ્ચે જ તે અટકી ગયું હતું.
આ અંગે નારાજગી વ્યક્ત કરતા ગોયલે DRM જૈનને એસ્કેલેટર અંગે સવાલ કર્યા હતા. તો DRMએ કહ્યું કે કદાય વધુ પડતા લોકો એકસાથે એસ્કેલેટર પર હોવાથી ઓવરલોડિંગના કારણે બંધ પડી ગયું હોઇ શકે છે. જોકે ગોયલે DRMને યાદ અપાવ્યું હતું કે એસ્કેલેટર એક સાથે સેંકડો લોકોને લઈ જવા માટે જ બન્યા હોય છે.
સુરતને વર્લ્ડક્લાસ રેલવે સ્ટેશન બનાવવા કરી ચર્ચા
રેલવે પ્રધાન પીયુષ ગોયેલની મુલાકાત પહેલા જ સુરત સ્ટેશનના પ્લેટફોર્મ, સ્ટેશનની આસપાસ આવેલા ટ્રેક સહિતાના વિસ્તારને ધોઈને સાફ કરી દેવામાં આવ્યો હતો. જ્યારે પેસેન્જર સર્વિસ કમિટીના રાકેશ શાહે જણાવ્યું કે રેલવે સ્ટેશન પર અમને મિનિસ્ટર સાથે મળવા દેવામાં આવ્યા નહોતા. જ્યારે હકીકતમાં મિનિસ્ટરે પેસેન્જર્સની માગણીઓને સાંભળવી જરૂરી હતી.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.