રાજકોટમાં દોઢ વર્ષના બાળકને કચડીને ઓડી કારનો ડ્રાઈવર ભાગ્યો, પોલીસે પકડી પાડ્યો

રાજકોટમાં વધુ એક લક્ઝુરિયર કારના અકસ્માતની ઘટના બની છે, જેમાં ઘાયલ બાળકને તાત્કાલિક હોસ્પિટલમાં દાખલ કરવામાં આવ્યો હતો પરંતુ ત્યાં તેની જરુરી સારવાર શરુ કરવામાં આવે તે પહેલા જ મોત થઈ ગયું હતું. પોલીસે આ ઘટનાના આરોપીની ધરપકડ કરી લીધી હતી.

શહેરના ટ્રાફિકવાળા રહેતા ભક્તિનગર સર્કલ પર આ ઘટના બની હતી જેમાં દોઢ વર્ષના બાળકનું અકસ્માત બાદ મોત થયું છે. મૃતક દોઢ વર્ષના વંશના માતા-પિતા જગદીશભાઈ સુરેલા અને તેમના પત્ની સર્કલ પાસે જ શાકભાજી વેચીને ગુજરાન ચલાવે છે. રિપોર્ટ્સ મુજબ મા-બાપ શાકભાજી વેચતા હતા ત્યારે વંશ બાજુમાં રમી રહ્યો હતો અને આ દરમિયાન ઓડી કાર લઈને જતા 19 વર્ષના યશ વિમલભાઈ બગડાઈની કાર નીચે વંશ આવી ગયો હતો.

આ દુર્ઘટના સર્જાઈ ત્યારે કારનો ડ્રાઈવર યશ ફોન પર વાત કરતો હોવાનું પણ સામે આવ્યું છે. અકસ્માત દરમિયાન કાર ચલાવી રહેલા યુવકની પોલીસ ધરપકડ કર્યા બાદ તેની જામીન પર મૂક્ત કરવામાં આવ્યો હોવાનું પણ જાણવા મળી રહ્યું છે.

માતા-પિતા ભક્તિ સર્કલ પાસે શાકભાજી વેચી રહ્યા હતા ત્યારે તેમનું પણ બાળક પર ધ્યાન ના હોવાની બેદરકારી સામે આવી રહી છે. કારણ કે બાળક રમતું-રમતું કારની નજીક પહોંચી ગયું હતું અને જ્યારે તેની કાર સાથે ટક્કર થઈ ત્યારે તેના મા-બાપ દોડીને પહોંચ્યા હતા. બાળકો શું કરી રહ્યા છે તેના પર નજર રાખવાની જવાબદારી માતા-પિતાની છે અને આ અકસ્માતમાં ભોગ બનેલા બાળકના માતા-પિતા બાળક શું કરી રહ્યું છે તે વાતથી અજાણ હોવાની ચર્ચાઓ થઈ રહી છે.

આ અકસ્માત બાદ ઘટના સ્થળ પરથી પોતાના દીકરાને લઈને તેના મા-બાપ સિવિલ પહોંચ્યા હતા. પરંતુ અહીં સામાન્ય સારવાર બાદ યશનું મોત થયું હતું.

બનાવની જાણ થતાં ભક્તિનગર પોલીસનો કાફલો ઘટના સ્થળ પર પહોંચ્યો હતો અને કારના ડ્રાઈવરની તપાસ કરી હતી. આ દરમિયાન CCTV ફૂટેજ પણ ચેક કરવામાં આવ્યા હતા, જેના આધારે યુવકની માહિતી મળી હતી.