કચ્છ અને દક્ષિણ ગુજરાતમાં અનુભવાયા ભૂકંપના આંચકા

અમદાવાદઃ ગુજરાતીઓ 2001નો કચ્છમાં આવેલો ભૂકંપ આજે પણ ભૂલી શકતા નથી. ત્યારે રવિવારે ફરી એક વખત કચ્છ ખાતે ભૂકંપના હળવા આંચકા અનુભવાયા હતા. મહત્વનું છે કે આ વખતે તેનું કેન્દ્ર બિંદુ પણ વર્ષ 2001ની જેમ ભચાઉ નજીક હોવાનું સામે આવી રહ્યું છે. બપોરે 12.33 વાગ્યે આવેલા ભૂંકપની માત્રા 3.2 રિક્ટર સ્કેલ નોંધાઈ છે. આ સાથે વલસાડ જીલ્લાના કપરાડા તાલુકામાં 1.15 વાગ્યે 2.1ની તીવ્રતાનો ભૂકંપનો આંચકો અનુભવાયો હતો. અહીં ભૂકંપનું કેન્દ્રબિંદુ વલસાડ થી 67 કિમી સાઉથ ઇસ્ટ કપરાડા વિસ્તારમાં નોંધાયું હતું. કપરાડાના નાનાપોંઢા અને બાલચોંડી સહિત આસપાસના વિસ્તારમાં ભૂકંપના હળવા આંચકા અનુભવાયા હતા.