રાજકોટઃ રાહત રસોડામાં થૂંક્યા ભાજપના ધારાસભ્ય, વિડીયો વાયરલ થતાં ભર્યો દંડ

રાજકોટ પૂર્વ વિધાનસભા બેઠકના ભાજપના ધારાસભ્ય અરવિંદ રૈયાણીનો વિડીયો વાઈરલરાજકોટઃ કેન્દ્ર સરકારની ગાઈડલાઈન્સ અનુસાર રાજકોટનો રેડ ઝોનમાંથી ઓરેન્જ ઝોનમાં સમાવેશ થયો છે. કોરોનાનું સંક્રમણ વધુ ફેલાતું અટકે તે માટે નિયમ મુજબ માસ્ક ન પહેરવા પર અને થૂંકવા પર પણ પ્રતિબંધ લગાવવામાં આવ્યો છે. જોકે, રાજકોટ પૂર્વ વિધાનસભા બેઠકના ભાજપના ધારાસભ્ય અરવિંદ રૈયાણીનો વિડીયો વાયરલ થયો હતો. આ વિડીયોમાં તેઓ માસ્ક ઉતારીને થૂંકતા જોવા મળે છે. આ વિડીયો વાયરલ થતાં જ વિવાદ સર્જાયો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોશું છે આ વિડીયોમાં?સોશ્યિલ મીડિયા પર વાયરલ થયેલો આ વિડીયો રાજકોટમાં ચાલતા રાહત રસોડાનો છે. જ્યાંથી ગરીબ અને જરુરિયાતમંદોને રોજ ભોજન પૂરું પાડવામાં આવે છે. આ રાહત રસોડું જ્યાં ચાલે છે તે જગ્યા પર અરવિંદ રૈયાણી માવો ખાઈને થૂંકતા હોય તેવું જોવા મળે છે. વાયરલ થયેલા વિડીયોમાં અરવિંદ રૈયાણી સાથે શહેર ભાજપ પ્રમુખ કમલેશ મિરાણી, નીતિન ભારદ્વાજ પણ જોવા મળે છે.અરવિંદ રૈયાણીએ ભર્યો દંડઆ વિડીયો વાઈરલ થયા પછી અરવિંદ રૈયાણીએ 500 રુપિયાનો દંડ ભર્યો હતો. અરવિંદ રૈયાણીએ દંડ ભર્યા પછી લોકોને સંદેશો આપતા કહ્યુ હતું કે,’હું કોઈ જાહેર જગ્યાએ થૂંક્યો નથી પરંતુ મારી પ્રીમાઈસિસમાં જ થૂંક્યો હતો. મેં કોઈ ફાકી ખાધી નહોતી. પરંતુ મને એવું લાગ્યું કે જો નિયમનો ભંગ થયો હોય તો દંડ ભરવો જોઈએ. જેથી મેં નિયમ મુજબ દંડ ભરી દીધો છે.’આ પણ વાંચોઃકોરોના: ગુજરાતના કયા જિલ્લા રેડ, ઓરેન્જ અને ગ્રીન ઝોનમાં? કેન્દ્રએ જાહેર કરી યાદીમાસ્કનો ઉપયોગ કરો, સોશ્યિલ ડિસ્ટન્સ અનુસરોઃ જિલ્લા કલેક્ટરકેન્દ્ર સરકારની ગાઈડલાઈન્સ અનુસાર રાજ્ય સરકાર દ્વારા તાજેતરમાં જ રાજકોટ જિલ્લાનો ઓરેન્જ ઝોનમાં સમાવેશ કરવામાં આવ્યો છે. જિલ્લા કલેક્ટર રેમ્યા મોહને પ્રેસ કોન્ફરન્સમાં કહ્યું હતું કે, ‘રાજકોટ ઓરેન્જ ઝોનમાં જરુર આવ્યું છે પરંતુ હજુ પણ સ્થિતિને હળવાશથી લેવાની જરુર નથી. સોશ્યિલ ડિસ્ટન્સનું પાલન કરવું હજુ પણ એટલું જ અગત્યનું છે. આ ઉપરાંત લોકોએ ઘરની બહાર નીકળતા સમયે માસ્કનો પણ ચોક્કસ ઉપયોગ કરવો જોઈએ.’