રાજકોટ: કચ્છના રાપર તાલુકાના લાકડાવાંઢ ગામે પ્રેમ પ્રકરણમાં પ્રેમિકાના પરિવારના સભ્યોએ ઘાતક હથિયાર વડે પરિણીત પ્રેમીને રહેંસી નાખ્યો હતો, બાદમાં પ્રેમિકા ગળેફાંસો ખાધેલી હાલતમાં મળી આવતા, હત્યા અને આત્મહત્યાના બનાવથી ચકચાર મચી જવા પામી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
પોલીસના જણાવ્યા અનુસાર 32 વર્ષીય બાબુ કોલી અને 19 વર્ષીય સીતા કોલી વચ્ચે પ્રેમ સંબંધ હતો. સીતા કોલીના પરિવારના સભ્યો આ પ્રેમ સંબંધની વિરુદ્ધ હતા કારણકે બાબુ કોલી પરિણીત હતો. બુધવારે બપોર પછી સીતા કોલીના પરિવારના પાંચે સભ્યોએ કથિતરીતે બાબુ કોલી પર ઘાતક હથિયાર વડે હુમલો કર્યો હતો. આ દરમિયાન બાબુ કોલી ખેતરમાં કામ કરી રહ્યો હતો ત્યારે તેના પર હુમલો થયો હતો. બાબુ કોલીનું ઘટનાસ્થળે મોત થયું હતું. બાબુના મોતના સમાચાર સીતા સુધી પહોંચતા જ સીતાએ ઘરમાં ગળેફાંસો લગાવીને આત્મહત્યા કરી લીધી હતી.
પ્રાથમિક તપાસમાં એવું જાણવા મળ્યું છે કે એક અઠવાડિયા પહેલા સીતા કોલીના પરિવારના સભ્યોને જાણવા મળ્યું હતું કે બાબુની સાથે સીતાનો પ્રેમ સંબંધ છે. તેમણે બાબુના પરિવારજનો સાથે એક મીટિંગનું આયોજન કર્યું હતું. જેમાં બંને પરિવારના સભ્યો વચ્ચે સમાધાન થતા એવું નક્કી થયું હતું કે સીતા અને બાબુ વચ્ચે હવે કોઈ સંબંધ રહેશે નહીં. પણ, જ્યારે સીતાના પરિવારના સભ્યોને એ વાતની જાણ થઈ કે ફોન પર બાબુ અને સીતા સંપર્કમાં છે ત્યારે સીતાના પરિવારના સભ્યોએ બાબુની હત્યા કરવાનું નક્કી કર્યું.
સુરતઃ નાયબ મેયરની રાંદેરમાં સ્વૈચ્છિક લોકડાઉનની અપીલ