અમરેલીઃ બાબરામાં બુધવારી બજારમાં મહિલાઓ પર ડંડાવાળી કરનારા મહિલા PSI સસ્પેન્ડ

અમરેલી: બાબરામાં બુધવારી બજારમાં પાથરણવાળાને હટાવતી વખતે મહિલા પીએસઆઈની દબંગાઈનો વિડીયો સોશિયલ મીડિયામાં વાઈરલ થયો હતો. આ મહિલા PSIનું નામ દીપિકા ચૌધરી હતું. વિડીયો વાઈરરલ થયા બાદ સ્થાનિકો તેમજ મહિલાઓમાં ગુસ્સો ફાટી નીકળ્યો હતો અને મહિલા પીએસઆઈ પર કાર્યવાહી કરવાની માંગ કરી હતી. આ ઘટના બાદ લાઠીચાર્જ કરનારી PSI દીપિકા ચૌધરી સસ્પેન્ડ કરવામાં આવ્યા છે.

અમરેલીના બાબરામાં દર બુધવારે ગરીબ અને મધ્યમવર્ના લોકોને પોષાય તેવા ભાવે તમામ વસ્તુઓ મળે તવું માર્કેટ ભરાય છે જેને બુધવારી તરીકે ઓળખવામાં આવે છે. આજ રોજ પણ દર અઠવાડિયાની જેમ સવારથી માર્કેટ ભરાઈ રહ્યું હતું. આ દરમિયાન પોલીસ આવી અને માર્કેટ બંધ કરાવવી રહ્યા હતા. આ કામગીરી દરમિયાન દીપિકા ચૌધરી નામના મહિલા PSIએ બુધવારીમાં રોજગારી કમાવવા માટે આવલી મહિલાઓ પર જાણે કે તેમણે કોઈ મોટો ગુનો કર્યો હોય તેવી રીતે ડંડો લઈને તૂટી પડ્યા હતા. એક તરફ કોરોનાને કારણે લોકોના વેપાર ધંધા બંધ છે ખાવના પણ ફાફા પડી રહ્યા છે તેવામાં ગરીબ પરિવાર પર કાયદાનો દંડો ઉગામતા 'પડતા પર પાટું' જેવી સ્થિત સર્જાઈ છે.

મહિલા PSI ગરીબ મહિલાને દંડો ફટારતો વિડીયો સોશિયલ મીડિયામાં વાઈરલ થયો છે. જેને જોઈને સ્થાનિકોમાં ભારે આક્રોશ જોવા મળી રહ્યો છે. આ ઘટનાનો વિડીયો કોંગ્રેસ નેતા પરેશ ધાનાણીએ પોતાના સોશિયલ મીડિયા પ્લેટફોર્મ પર શેર કર્યો હતો. આ ઉપરાંત ધારાસભ્ય વીરજી ઠુમ્મરે પણ આ ઘટનાને વખોડી કાઢી હતી. પીએસઆઈ સામે પગલાં લેવાની માગ કરી હતી. તેના બાદ મહિલા PSIને સસ્પેંડ કરાયા છે.