પોરબંદરમાં એક ભુવાને મહિલાને ડાકણ ગણાવી પરિવારને ઉશ્કેરવાનું ભારે પડ્યું

પોરબંદર: પોરબંદરમાં ગ્રામ્ય પંથકમાં રોગ મટાડવા માટે દાણાં જોનાર એક ભુવાની ધતિંગ લીલાનો પર્દાફાશ થયો છે. પ્રાપ્ત માહિતી અનુસાર સોઢાણાના વજિયભાઈ અરભમભાઈ કારાવદરાની પત્ની રેખાની તબિયત નરમ ગરમ રહેતી હતી અને રામ લખમણભાઈ કારાવદરના પરિવારના સભ્યમાં પણ એ જ પ્રકારે બીમારી રહેતી હોવાથી તેઓ બોરિચા ખાતે રહેતા એક ભુવા પાસે દાણાં જોવડાવવા ગયા હતા.

બંને પરિવારના સભ્યો બીમારી વિશે જણાવ્યુ હતં. જેથી ભુવાએ દાણા જોયા બાદ એવું જણાવ્યું હતું કે, તમારા પરિવાવરા સભ્યોની બીમારી પાછળ તમાર જ સંબંધી મહિલા જવાબદાર છે. તમને કોની સાથે બનતું નથી? તેવું પૂછતાં આ પરિવારે સોઢાણા ગામે રહેતા સંતોકબેન લાખાભાઈ કારાવદરા સાથે ભળતું નહીં હોવાનું જણાવ્યું હતું જેથી ભુવા કાના ઓડેદરાએ દાણા જોવાનો ડોળ કર્યા બાદ મહિલા સંતોકબેન કારાવદારા ઉપર ડાકણ હોવાનો આરોપ લગાવ્યો હતો અને તેમણે જ તમારા ઘરમાં કંઈક કરી મૂક્યું છે તેમ જણાવી પરિવારના સભ્યોને ઉશ્કેરવાનો પ્રયાસ કર્યો હતો.

ભુવાના કહેવા પર સાચું માનીને વિજય અરભમ કારાવદરા અને રામ લખમણ કારાવદરા મધરાતે સંતોકબેન કારાવદરાના ઘરે ઘસી ગયા હતા અને ધમકી આપીને તે ડાકણી છે અને તેના કારણે જ આવું થયું છે તેમ જણાવ્યું હતું અને એટલું જ નહીં પરંતુ આ પરિવારની અન્ય મહિલાઓ રાંભીબેન, રૂડીબેન વગેરેએ પણ ગામમાં અપપ્રચાર શરૂ કર્યો હતો કે સંતોકબેન ડાકણ છે. જો કે, રાજકોટની સ્વૈચ્છિક સંસ્થાએ પોલીસની મદદથી ભુવાની ધતિંગ લીલાનો પર્દાફાશ કર્યો હતો. ત્યારબાદ પોલીસની હાજરીમાં ભુવાને માફી માંગવી પડી હતી.