ધ્રાંગધ્રાઃ 4 મહિનાથી પાડોશી યુવક યુવતી સાથે દુષ્કર્મ આચરતો હતો, ગર્ભપાતની 1 ગોળીથી ખૂલ્યો ભેદ

રાજકોટઃ 20 વર્ષની એક યુવતીએ પોતાનો ગર્ભપાત બાદ પાડોશી યુવક વિરુદ્ધ બળાત્કારની ફરિયાદ નોંધાવી છે. યુવતીનો આરોપ છે કે, બળાત્કાર કરનારા આરોપી યુવકે જ તેને ગર્ભપાત માટેની ગોળી આપી હતી. આ ઘટના સુરેન્દ્રનગર જિલ્લાના ધ્રાંગધ્રામાં આવેલા સંધ્યા લાઈન વિસ્તારમાં આ બની હતી. જેમાં આરોપી 4 મહિનાથી યુવતીને પીંખી રહ્યો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:પોલીસે જણાવ્યું કે, આરોપીની ઓળખ અહમદ સંધી તરીકે કરવામાં આવી છે, જે છેલ્લા 4 મહિનાથી યુવતી સાથે અનેકવાર દુષ્કર્મ આચરી ચૂક્યો હતો. પોલીસમાં નોંધાયેલી ફરિયાદ મુજબ, 4 મહિના પહેલા જ્યારે પીડિતા પોતાના ઘરમાં એકલી હતી, અહમદ તેના ઘરમાં ઘુસી ગયો અને તેની સાથે દુષ્કર્મ આચર્યું હતું. આરોપીએ આ વાતની કોઈને ફરિયાદ કરવા પર યુવતી અને તેના પરિવારજનોની હત્યા કરવાની ધમકી આપી હતી.10 દિવસ પહેલા પીડિતાને માલુમ પડ્યું કે તે પ્રેગ્નેટ છે. આથી અહમદે તેને ભૃણને પેટમાં જ મારી નાખવા માટે એક ગોળી આપી. પરંતુ ગોળી લીધા બાદ યુવતી બે ભાઈન થઈને પડી ગઈ અને તેને બ્લીડિંગ થવા લાગ્યું.ધ્રાંગધ્રા પોલીસ સ્ટેશનના સબ-ઈન્સ્પેક્ટર એન.બી ડોઢિયાએ કહ્યું, પીડિતાને હોસ્પિટલમાં લઈ ગયા બાદ તેણે પોતાની સાથે બનેલી ઘટના માતાને જણાવી. આ બાદ યુવતીની માતાએ પોલીસ સ્ટેશનમાં અહમદ સંધી વિરુદ્ધ ફરિયાદ નોંધાવી. પોતાના વિરુદ્ધ ફરિયાદ નોંધાયાનું માલુમ પડતા જ આરોપી ફરાર થઈ ગયો છે, હાલમાં પોલીસે તેને પકડવાની કવાયત હાથ ધરી છે.આ પણ જુઓઃ કોરોના વાયરસઃ વાહન સેનિટાઈઝેશન બની રહ્યો છે એક નવો બિઝનેસ ઓપ્શન