રાજકોટઃ પતિ અને પત્ની વચ્ચેના ઝગડા અંગે તમે ઘણીવાર સાંભળ્યું હશે. પરંતુ મોટાભાગના કિસ્સામાં પતિ જ પત્નીને માર મારતો હોવાનું કે પછી અત્યાચાર કરતો હોવાની વાત હોય છે. જોકે ક્યારેક એવું પણ બની શકે છે કે પત્ની પણ પતિનો વારો કાઢી નાખતી હોય. આવી જ એક ઘટના રાજકોટ જિલ્લાના કોઠારિયાના ગામ રંગાણી ખાતે બની છે. જેમાં પતિએ પત્નીને રુપિયા આપવાની ના પાડતા પત્ની રણચંડી બની હતી અને છરી ઝીંકી દીધી હતી.
થોડા સમય બાદ જ રામી ખેતીની જમીન પોતાને નામે કરી દેવા અવારનવાર ઝઘડો કરતી રહેતી હતી. દરમિયાન શુક્રવારે સાંજે પરિવાર સાથે વાડીએ હતા. ત્યારે રામી પોતાની પાસે આવી વાપરવા રૂ.5 હજાર માગ્યા હતા, પરંતુ આવડી મોટી રકમ પોતાની પાસે ન હોવાનું કહ્યું હતું. જેથી રામી ઉશ્કેરાય જઇ ઝઘડો કર્યો હતો. બાદમાં પોતે પાણી પીવા ગયો ત્યારે રામી નજીક આવી પોતે કંઇ સમજે તે પહેલા જ રામીએ છરીથી હુમલો કરી હાથમાં એક ઘા ઝીંકી દીધો હતો. જેથી હાથમાંથી લોહી નીકળવા લાગ્યું હતું. રામી સાથે ઝઘડો થયાની ખબર પડતા પિતાએ સારવાર માટે રાજકોટ સિવિલ લઇ આવ્યા હતા. પોલીસે ગુનો નોંધી ધરપકડ કરવા તજવીજ હાથ ધરી છે.