એપશહેર

જામનગરઃ જમીન દલાલોના ત્રાસથી મેડિકલ સ્ટોર સંચાલકે કરી લીધો આપઘાત

બે જમીન દલાલોના નામ સાથે લખેલી સ્યુસાઈડ નોટમાં હિતેષભાઈએ પોતાના મોટા દીકરાને કહ્યું કે તે તું ડોક્ટર બનજે

I am Gujarat 10 Oct 2020, 11:40 pm
જામનગર: જમીન બાબતે સુરતના દુર્લભ પટેલના આપઘાત બાદ હવે જામનગરમાં એક વેપારીએ ભૂમાફિયાના ત્રાસને કારણે આપઘાત કરી લીધો છે. મૃતક પરિવારે આ ભૂમાફિયા વિરુદ્ધ કડક કાર્યવાહી કરવા માટે માંગણી કરી છે.
I am Gujarat jamnagar medical store owner commits suicide due to harassment of land broker
જામનગરઃ જમીન દલાલોના ત્રાસથી મેડિકલ સ્ટોર સંચાલકે કરી લીધો આપઘાત


જામનગરમાં મેડિકલ સ્ટોરના સંચાલક હિતેષ ચંદ્રકાન્તભાઈ પરમાર શુક્રવારે રાત્રે પોતાના ઘરે ગળેફાંસો ખાઇ આપઘાત કરી લીધો છે. આપઘાત કરતા પહેલાં મેડીકલ સ્ટોરના સંચાલકે સુસાઈડ નોટ પણ લખી હતી, જેમાં પોતાના પરિવારને સંબોધીને પોતાની જમીનને લઇને ચાલી રહેલ વિવાદનો ઉલ્લેખ સાથે બે લોકોના ત્રાસથી આપઘાત કર્યો હોવાનું લખ્યું છે. પોલીસે આ સ્યુસાઈડ નોટ કબજે કરી વધુ તપાસ હાથ ધરી છે.

હિતેષભાઈએ લખેલી સ્યુસાઈડ નોટ


હિતેષ ભાઈ દ્વારા જે સ્યુસાઈડ નોટ લખવામાં આવી છે તેમાં કનુભાઈ અને રમણભાઈ નામના લોકો જમીન બાબતે હેરાન કરતા હોવાનો આક્ષેપ કર્યો છે. પરિવારને જાનથી મારી નાંખવાની ધમકી આપી હોવાનો ઉલ્લેખ કરવામાં આવ્યો છે. આ નોટમાં તેમણે પોતાના પુત્રને ડોક્ટર બનવા અને નાનાભાઈનું ધ્યાન રાખજે તેમ લખ્યું છે. આમ ભૂમાફિયાઓને કારણે આજે એક હસતો રમતો પરિવાર તૂટી ગયો છે. આ મામલે પોલીસે વધુ તપાસ હાથ ધરી છે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો