મોરબીઃ પાણીના ધસમસતા વહેણમાં ખભે બેસાડી બાળકોને બચાવ્યાં, પોલીસના થઈ રહ્યાં છે વખાણ

કેડસમાણા પાણીમાં કોન્સ્ટેબલે બાળકોને બચાવ્યા

મોરબીઃ સૌરાષ્ટ્રભરમાં મેઘરાજાએ પોતાનું વરવું સ્વરુપ બતાવ્યું છે. ખાસ કરીને રાજકોટ અને મોરબી જિલ્લામાં મેઘરાજા મન મૂકીને વરસ્યાં હતાં. જેના કારણે જળબંબાકારની સ્થિતિ ઉભી થઈ હતી. મોરબી જિલ્લાના ટંકારા તાલુકાનું કલ્યાણપુર ગામ પણ ટાપુમાં ફેરવાયું હતું. જેના કારણે અનેક લોકો ફસાયાં હતાં. આ રેસ્ક્યૂ ઓપરેશન દરમિયાન એક એવો વિડીયો સોશિયલ મીડિયામાં વાઈરલ થયો છે. જેણે લોકોના દિલ જીત્યાં છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો વાઈરલ થયો વિડીયો આ રેસ્ક્યૂ ઓપરેશનમાં ટંકારા પોલીસ પણ જોડાઈ હતી. હવે આ રેસ્ક્યૂ ઓપરેશનનો એક વિડીયો વાઈરલ થયો છે તેમાં એક પોલીસ કર્મચારી બે બાળકોને ખભે બેસાડીને ધસમસતા પ્રવાહમાં આગળ વધતો જોવા મળે છે. કેડસમાણા પાણીમાં આ પોલીસ કર્મચારી જરાપણ પરવા કર્યા વગર જ બાળકોને ખભે બેસાડીને પાણીમાંથી બહાર કાઢતો જોવા મળે છે. આ પોલીસ કર્મચારીનું નામ પૃથ્વીરાજસિંહ જાડેજા છે અને તે ટંકારા પોલીસમાં કોન્સ્ટેબલ તરીકે ફરજ બજાવે છે. ખડેપગે પોલીસ અને NDRFની ટીમ નોંધનીય છે કે મોરબીમાં વરસાદના કારણે બ્રહ્માણી 2 ડેમ પણ ઓવરફ્લો થઈ ગયો છે. આ કુદરતી આફત સામે NDRFની ટીમ તેમજ પોલીસ સ્ટાફ પણ લોકોને બચાવવામાં લાગી છે. નોંધનીય છે કે આ પહેલા પણ વડોદરામાં પડેલા ભારે વરસાદમાં ‘વાસુદેવ’ પીએસઆઈની તસવીર વાઈરલ થઈ હતી. પીએસઆઈ ગોવિંદ ચાવડા દોઢ માસની છોકરીનું રેસ્ક્યૂ કરીને સોશિયલ મીડિયામાં છવાઈ ગયાં હતાં. વધી રહી છે ડેમની જળસપાટી નોંધનીય છે કે પહેલા રાઉન્ડમાં વડોદરાને ઘમરોળ્યા પછી હવે મેઘરાજા સૌરાષ્ટ્ર સહિત અમદાવાદમાં પણ ફરી વળ્યાં હતાં. અમદાવાદમાં પણ ભારે વરસાદના કારણે લોકોને હાલાકી ભોગવવાનો વારો આવ્યો છે. ઉપરવાસમાં ભારે વરસાદના કારણે સરદાર સરોવર ડેમની જળસપાટી પણ વધી છે. નીચાણવાળા વિસ્તારમાં રહેતા લોકો માટે હાઈએલર્ટ પણ જાહેર કરવામાં આવ્યું છે.