પોરબંદરમાં ચૂંટણી બંદોબસ્ત દરમિયાન I.R.Bના જવાનો વચ્ચે થયું ફાયરિંગ, બેના મોત

પોરબંદર: ગુજરાતમાં વિધાનસભા ચૂંટણી (Gujarat Assembly Election)નો માહોલ ચાલી રહ્યો છે. આગામી પહેલી અને પાંચમી ડિસેમ્બરે બે તબક્કામાં મતદાન (Voting) થવાનું છે. ત્યારે બંદોબસ્ત માટે અલગ અલગ બટાલિયન બોલાવવામાં આવી છે. જોકે પોરબંદરમાં ચૂંટણી બંદોબસ્તમાં આવેલ I.R.Bના જવાનો વચ્ચે કોઈ અગમ્ય કારણોસર બબાલ થઈ છે. આ બબાલ દરમિયાન ફાયરિંગ થતા 2 જવાનોના મૃત્યુ અને 2 જવાનો ઇજાગ્રસ્ત થતા તેમને હોસ્પિટલ ખસેડવામાં આવ્યા છે. પોરબંદરના નવી બંદર ખાતે સાયકલોન સેન્ટરમાં ઝઘડો થયો હતો. ઇન્ડિયન રિઝર્વ બટાલિયનના જવાનોના ઝગડામાં ફાયરિંગ થયું હતું. આ ઘટનામાં બે જવાનોનું ઘટના સ્થળે જ મોત થયું છે જ્યારે અન્ય બે ઇજાગ્રસ્ત જવાનોને પોરબંદર ભાવસિંહજી હોસ્પિટલ ખાતે સારવારમાં લાવવામાં આવ્યાં છે.


ચૂંટણીના બંદોબસ્ત દરમિયાન થયું ફાયરિંગ
ઘટનાની જાણ થતા પોલીસ કાફલો અને અન્ય જવાનો હોસ્પિટલ દોડી આવ્યો હતો. ક્યાં કારણે ઝઘડો થયો તે અંગે પોલીસે વધુ તાપસ હાથ ધરી છે. જો.કે ઉલ્લેખનીય છે કે પોરબંદરમાં ચૂંટણીના બંદોબસ્ત દરમિયાન ફાયરિંગ થયાની ઘટના બની છે. જેમાં બે જવાનોના મૃત્યુ થયા છે. ચૂંટણી બંદોબસ્તમાં આવેલા જવાનો વચ્ચે બબાલ થઈ હતી. આ બબાલમાં બે લોકોના મોત થયા છે.

પોરબંદરમાં ચૂંટણી કામગીરીમાં ફરજ બજાવવા માટે આવેલા જવાનો વચ્ચે કોઈ અગમ્ય કારણોસર તકરાર થઈ હતી. ત્યારબાદ તેમના વચ્ચે મોટી બબાલ થઈ હતી. જેમાં તેમની વચ્ચે ફાયરિંગ થયું હતું અને તેમાં બે જવાનોના મોત થયા હતા. આ ઘટનાની જાણ થતાં જ પોલીસ ઘટના સ્થળે દોડી આવી હતી. જ્યારે આ ઘટનાનામાં ઈજાગ્રસ્ત જવાનોને સારવાર અર્થે હોસ્પિટલ ખસેડવામાં આવ્યા હતા. પોલીસે પણ આ ઘટના અંગે કાર્યવાહી અને તપાસ હાથ ધરી છે. જોકે, અત્યાર સુધી આ ઝઘડો કયા કારણોસર થયો અને શા માટે ફાયરિંગ થયું તેનું કારણ સામે આવ્યું નથી.