કચ્છઃ PUBGના રવાડે ચડેલા 12 વર્ષના છોકરાએ ઘરમાંથી 3 લાખ ચોરી કર્યા

રાજકોટઃ કચ્છ જિલ્લાના રાપર તાલુકામાં આવેલા આડેસર ગામમાં રહેતા એક કપલના ઘરમાં કબાટમાં મૂકેલા પૈસાની રોજે રોજ ચોરી થઈ રહી હતી. થોડી થોડી રકમ ઓછી થતી જોઈ તેમને ચોરીની શંકા ગઈ. પરંતુ જ્યારે તેમને ચોર મળ્યો તો પગ નીચેથી જમીન સરકી ગઈ. આ ચોર બીજું કોઈ નહીં તેમનો 12 વર્ષનો દીકરો જ નીકળ્યો. જેણે થોડા થોડા કરીને કબાટમાંથી 3 લાખ રૂપિયા ચોરી કરી લીધા હતા.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:આડેસર પોલીસ સ્ટેશનના અધિકારીએ જણાવ્યું, મા-બાપે જ્યારે પોતાના રૂમમાં નજર રાખી તો એક રાત્રે જોયું કે તેમનો 12 વર્ષનો દીકરો ધીમેથી રૂમમાં આવ્યો અને કબાટમાંથી કેશ ચોરી કરીને જતો રહ્યો. છોકરાને આ વિશે પૂછતા તેણે જણાવ્યું કે, તે PUBG મોબાઈલ ગેમ રમતા સમયે પોતાના મિત્રો સાથે હારી ગયો હોવાથી તેને પૈસાની જરૂર છે.આડેસરમાં કરિયાણાની દુકાન ધરાવતા મા-બાપે ચિંતિત થઈને પોલીસનો સંપર્ક કર્યો. પોલીસે જાણ્યું કે સગીર છોકરાઓનું એક ગ્રુપે તેમના છોકરાને PUBG ગેમના રવાડે ચડાવી દીધો હતો.અધિકારીએ જણાવ્યું, અમે જ્યારે છોકરાઓને ટ્રેસ કર્યા, તો જાણ્યું કે આ પીડિત પાસેથી કેશ લઈને તેમણે મોંઘા સ્માર્ટફોન્સ ખરીદ્યા હતા. આટલું જ નહીં, આ બાળકોના મા-બાપે પણ તેમને ફોન વિશે કોઈ સવાલ નહોતા કર્યા. પોલીસે આ કેસમાં ફરિયાદ દાખલ કરી લીધી છે અને કાયદા મુજબ કાર્યવાહી કરવામાં આવશે.